Sinoptikter aldaǵy úsh kúnge aýa raiy boljamyn usynady, dep habarlaidy "Ult aqparat" «Qazgidromet» RMK-ǵa silteme jasap.
«Barents teńizi aimaǵyndaǵy sýyq atmosferalyq aǵyndarmen birge Qazaqstanǵa arktikalyq aýa massalary aýysady. Eger sońǵy ýaqytta respýblikadaǵy aýa temperatýrasy klimattyq normadan joǵary bolsa, aldaǵy úsh táýlikte kún sýytyp, qalypty normadan 3.....8°S tómen bolady. Sondai-aq, jaýyn-shashyn, qar, tuman túsip, kóktaiǵaq bolady. Soltústik, ortalyq jáne shyǵys oblystarda qar jaýyp, boran soǵady. Soltústik-batys baǵyttan jel esip, túngi aýa temperatýrasy 10-15 gradýsqa deiin tómendeidi. Kei jerlerde 20° aiaz bolýy yqtimal», - delingen sinoptikterdiń boljamynda.
