Sinoptikter 19-21 qańtardaǵy aýa raiyna arnalǵan boljamyn jariia etti, dep habarlaidy "Ult aqparat" Qazgidrometke silteme jasap.
Demalys kúnderi elimizdiń soltústik bóliginde qar jaýyp, burqasyn soǵady, ońtústikte jańbyr, arty qarǵa ulasady dep boljanyp otyr.
«Ortalyq Aziia aimaǵynan Qazaqstanǵa ońtústik tsiklony jyljidy, ol jylý alyp keledi. Sondyqtan aldaǵy demalys kúnderi elimizdiń soltústik bóliginde qar jaýyp, burqasyn soǵady, batystan qatty jel soǵady. Al ońtústik jáne batys óńirlerde jaýyn-shashyn bolady, jańbyrdyń aiaǵy qarǵa ulasady, taýly aimaqtarda qalyń qar túsedi, tuman jáne kóktaiǵaq kútiledi», - delingen habarlamada.
Dúisenbide sýyq aǵyndardyń ótýine bailanysty aýa temperatýrasy tómendeidi, biraq ol áli de klimattyq normadan joǵary bolmaq.
