Qazgidromet 20-22 shildege arnalǵan aýa raiy boljamyn jariialady, dep habarlaidy "Ult aqparat".
«Frontaldyq bólimderdiń yqpalymen respýblika boiynsha ótkinshi jańbyr jaýyp, kún kúrkireidi. Kei jerlerde ekpindi jel, ońtústik pen batysta shańdy daýyl baiqalady. 21 shildeden bastap eldiń soltústik, soltústik-batys bóligine antitsiklon jotasy áser etedi, onda jaýyn-shashynsyz jyly aýa raiy kútiledi. Batysta aýa temperatýrasy túnde +20+25℃, kúndiz +33+41℃, respýblikanyń soltústiginde aýa temperatýrasy túnde +10+18℃, kúndiz termometrdiń baǵandary +23+35℃, soltústik-batysta túnde +12+25℃, kúndiz +25+40℃, eldiń ortalyǵynda jáne shyǵysynda aýa temperatýrasy túnde +10+21℃, kúndiz +25+35℃, Qazaqstannyń ońtústiginde jáne ońtústik-shyǵysynda túngi temperatýra +13+25°S, +30+40°S» - delingen habarlamada.
