t.me/diapazonnews video kadrlary
Aqtóbe oblysynyń burynǵy ákimi Ermek Imantaevqa qatysy sot protsesi jalǵasyp jatyr, - dep habarlaidy Tengrinews.kz saity "Diapazon" basylymyna silteme jasap.
2002-2004 jyldary Aqtóbe oblysynyń ákimi qyzmetin atqarǵan Imantaev "Aqtóbe" ÁKK tiesili jer ýchaskesin zańsyz satqany úshin aiyptalǵan. Shyǵyn - shamamen 100 million teńge.
Ermek Imantaevtyń aitýynsha, byltyr kóktemde ózin joǵary laýazymdy sheneýniktiń jaqynymyz dep tanystyrǵan adamdar 100 million teńgeden asa aqsha tóleýdi talap etken. Ony "Aqtóbe" ÁKK-de jumys istegen kezde sybailas jemqorlyqqa qatysy bar ekenin dáleldeitin aiǵaqtarmen bopsalaǵan.
"Olardy alaiaq dep oilap, bas tarttym. Biraq 2022 jyly jaz boiy maǵan jáne meniń otbasymdy bopsalap keldi, keiin "tólemeitin bolsańyz, temir torǵa otyrǵyzamyz" dep ýltimatým qoidy. Qamaýǵa alynbaýym jáne otbasymnyń qaýipsizdigin qamtamasyz etý úshin men bopsalaýshylarǵa aqshany az-azdan, keide aýqymdy soma tóleýime týra keldi, tipti jyljymaityn múlik berdim. Kezekti transhty tólei almaǵandyqtan, 8 aqpanda meni tutqyndady", - dedi ol.
Ol tergeý barysynda oblystyń burynǵy ákimi Ońdasyn Orazalinge qarsy aiǵaq berý úshin qysym jasalǵanyn aitty.
Shildede Aqtóbe oblysynyń eks-ákimi Ermek Imantaevtyń soty bastaldy. Imantaevqa "Aqtóbe" ÁKK tiesili jer ýchaskesin zańsyz satqany úshin aiyp taǵyldy.
Ermek Imantaev Aqtóbe oblysynyń ákimi laýazymynda 2002 jyldan 2004 jylǵa deiin jumys istedi, oǵan deiin bul laýazymda Aslan Mýsin boldy.
2019 jyly 20 qarashada Imantaev "Aqtóbe" ÁKK basqarma tóraǵasy boldy, al 2021 jylǵy naýryzda bul qyzmetten ketti. Sol jyly aqpanda Ermek Imantaev laýazymdyq ókilettikterin asyra paidalandy degen aiyppen qamaýǵa alyndy.
