Telefon alaiaqtary ońai paida tabý úshin sengish qazaqstandyqtardyń qupiia derekterin alady. Olar ózderi Ulttyq bank nemese Qazaqstan bankteri qaýymdastyǵynyń qyzmetkerleri ekenin aityp aldaidy, dep habarlady Sputnik Qazaqstan.
Ulttyq Bank alaiaqtardyń maqsaty aqsha urlaý ekenin eskertti. Qazaqstandyqtarǵa kúdikti telefon qońyraýlary men hattarǵa jaýap bermeýge jáne birden politsiiaǵa habarlasýǵa keńes berdi.
Mamandar keńesi
Eshkimge bank kartasynyń nómirin, jaramdylyq merzimin, artqy jaǵyndaǵy úsh tańbaly qupiia kodty, bankingke kirý loginderi men parolderin, banktiń SMS-kodtaryn, ózińiz jáne jaqyndaryńyz týraly jeke aqparatty habarlaýǵa bolmaidy;
Uialy qosymshalardy ornatýǵa jáne telefonmen sóilesý barysynda alynǵan nusqaýlar boiynsha aqsha aýdarýǵa bolmaidy;
"Bank qyzmetkerinen" qońyraý túsken kezde áńgimeni sozbai, qarjy uiymynyń resmi call-center-ine qońyraý shalý kerek;
Eger olar aqsha aýdarý kerektigin aityp qońyraý shalsa, resmi derekkózden onyń maqsatyn tekserý kerek. Sondai-aq bul tólem sizge tiesili me ekenin teksergen jón;
Telefon nómirin kórsetýge jáne kúdikti saittarda negizgi kartańyzben tólem jasaýǵa bolmaidy.
Ulttyq bank jeke tulǵalarǵa qyzmet kórsetýmen ainalyspaidy jáne aqshalai esep aiyrysýlardy nemese mámilelerdi júrgizbeidi.
Keńes alý úshin 1477 nómiri boiynsha bailanys ortalyǵyna habarlasýǵa bolady.
