Biyl Qazaqstan Respýblikasy úshin aitýly mereke – el Táýelsizdiginiń 25 jyldyǵy. Bul táýelsizdik bizdiń ata-babalarymyzdyń jankeshti kúresiniń nátijesi. Qazaq memlekettiliginiń irgetasyn qalaýǵa «Alash-Orda» qozǵalysynyń qairatkerleri orasan zor úles qosqany málim. HH ǵasyr basyndaǵy qazaq intelligentsiiasynyń ozyq ókilderi Á.Bókeihanov, A.Baitursynov, M.Dýlatov, H.Dosmýhamedov jáne basqa Alash arystary Qazaqstannyń qazirgi aýmaǵyn keńestik bilikke moiyndatyp, memlekettiliktiń negizin qalap ketti.
Osyǵan orai, «Degdar» qoǵamdyq kelisimdi qoldaý qory» qoǵamdy qory kórnekti qalamger, ǵalym, professor Tursyn Jurtbaidyń «Alash» qozǵalysy jónindegi zertteýleri negizinde 3 tomdyq basylymdy jaryqqa shyǵardy. Basylym muraǵat derekterinen, Alash qairatkerleriniń sot protsesi materialdarynan, tergeý hattamalary men kórsetindilerden, hattardan turady. «Alash qozǵalysy» 3 tomdyǵy «Samruk-Kazyna Trust» áleýmettik jobalardy damytý qorynyń tikelei demeýshiligimen basylyp shyqty.
Eńbektiń tusaýkeseri Jambyl atyndaǵy qalalyq jastar kitaphanasynda ótti. Oǵan qoǵam qairatkerleri, ǵalymdar, tarihshylar, jazýshylar, BAQ ókilderi qatysty. Olardyń arasynda joba avtory Tursyn Jurtbai, tarih ǵylymdarynyń doktory Mámbet Qoigeldi, «Degdar» qoǵamdyq kelisimdi qoldaý qory» qoǵamdyq qorynyń tóraǵasy Dáýlet Áshimhan jáne t.b. boldy. Qatysýshylardyń aitýynsha «Úsh tomdyqty shyǵarýdaǵy maqsat – Táýelsizdik qundylyqtaryn nasihattaý, Alash qozǵalysynyń tarihyn júieleý, Alash arystarynyń ómiri men qyzmetin pash etý».
Búgingi tańda Alash arystarynyń ǵumyry men shyǵarmashylyǵyn, qyzmetin óskeleń urpaqqa úlgi-ónege qylý – mańyzdy mindet. Alash qairatkerleri týraly árbir derek Alash ideiasynyń mánin ashyp kórsetýge, el egemendigi úshin olardyń qandai qurbandyqqa barǵanyn tereń uǵynýǵa múmkindik beredi. Alash qozǵalysyn jan-jaqty zertteý, tarihi ýaqiǵalardyń mán-mańyzyn ashyp kórsetý jastardy ulttyq rýhta tárbieleý, jańa Qazaqstannyń strategiialyq mindetterin iske asyrý mindetterine tolyq sáikes keledi.
Ult portaly
