Memlekettik basqarý salasynyń jetekshi halyqaralyq sarapshylary, on besten astam eldiń memlekettik organdary, sondai-aq halyqaralyq uiymdar men ýniversitetterdiń ókilderi Astana Memlekettik qyzmet habynyń "Marapat jáne qurmet: HHI ǵasyrda memlekettik qyzmetshilerdi yntalandyrý" atty paneldik sessiiasyna jinaldy. Sessiia BUU Damý Baǵdarlamasy men Nazarbaev Ýniversitetiniń Joǵary memlekettik saiasat mektebimen qoldaýymen Astana ekonomikalyq forýmy aiasynda ótti.
Paneldik sessiiany Astana Memlekettik qyzmet habynyń Basqarýshy komitetiniń tóraǵasy Alihan Baimenov, BUU Bas hatshysynyń kómekshisi, BUU Damý Baǵdarlamasy Ákimshisiniń kómekshisi, Eýropa men TMD úshin Óńirlik biýro direktory Miriana Spoliarich Egger, Nazarbaev Ýniversiteti prezidenti Shigeo Katsý jáne QR Memlekettik qyzmet isteri jáne sybailas jemqorlyqqa qarsy is-qimyl agenttiginiń tóraǵa orynbasary – Aigúl Shaimova ashty.
Alihan Baimenov «adamzattyń ortaq ózekti máselerin sheshýde memlekettik basqarý sapasynyń orny erekshe» ekendigine, ol «tek memlekettik qyzmetshilerdiń bilimi jáne biligimen ǵana emes, yntasymen de anyqtalatyndyǵyna» toqtaldy.
Spikerdiń aitýynsha, «memlekettik qyzmetshilerdiń jeke bastyń qamyn emes, memlekettiń, qoǵamnyń ortaq máselererin sheshýge beiim bolýy, elge qyzmet jasaýǵa nieti el damýynda mańyzdy ról atqarady. Osyny túsingen Alash Orda úkimetiniń basshysy Álihan Bókeihanov osydan 100 jyl buryn «ultqa qyzmet – minezden» degen».
Astana haby jetekshisi óz sózinde, memlekettik qyzmetkerge qajet 12 qasietti uly babamyz ári oishyl Ál Farabi 11 ǵasyr buryn anyqtap bergenin, onyń ishinde adaldyq pen memleket isine berilgendik sheshýshi qundylyq retinde kórsetilgenin jetkizdi. Osy kezeńde Ortalyq Aziiadan shyqqan filosof Júsip Balasuǵyni 15 laýazymdaǵy memlekettik qyzmetkerler úshin mańyzdy kásibi biliktilik retinde abyroi men yntany erekshe ataǵan.
M. Spoliarich Egger: "Damý maqsattaryna qol jetkizý maqsatynda memlekettik qyzmetkerler motivatsiiasy máselelerin talqylaýda mádeni, institýtsionaldyq jáne uiymdastyrýshylyq faktorlardy eskerýimiz kerek" – dedi.
Paneldik sessiianyń basty spikeri retinde amerikalyq zertteýshi, memlekettik qyzmetshilerdi yntalandyrý teoriiasy negizin qalaýshylardyń biri, AQSh-tyń Indiana Blýmington Ýniversitetiniń professory Djeims L. Perri óz oiymen bólisti. Onyń aitýynsha, yntalandyrý júiesin daiarlaý kezinde osy saladaǵy ǵylymi zertteýler nátijesin eskergen jón. Ondaǵy sheshýshi faktorlar – institýttar, motivatsiia jáne adami resýrstar úilesimdiligi.
Jiyn barysynda on besten astam eldiń, sonyń ishinde Grýziia, Ýkraina, Qazaqstan, Qyrǵyzstan, Chernogoriianyń ýákiletti organdar basshylary men ókilderi memlekettik qyzmetshilerge eńbekaqy tóleý júiesin reformalaý, tiimdiligin baǵalaý boiynsha tájiribelerin bólisti.
"Halyqqa sapaly qyzmet kórsetýge memlekettik qyzmetkerler yntaly bolǵan jaǵdaida ǵana úkimetterdiń tiimdiligi artady", - dep esepteidi Grýziia Memlekettik qyzmet biýrosynyń direktory Ekaterina Kardava.
Sondai-aq, sessiiada "Memlekettik sektordaǵy eńbekaqy tóleý júiesin salystyrmaly taldaý" taqyrybynda Habtyń zertteýi tanystyryldy. Onda jańa syiaqy júiesin ázirleýge negiz bola alatyn zertteýdiń alǵashqy nátijeleri usynylǵan.
Qazirgi ýaqytta Astana Memlekettik qyzmet habyna 41 el qatysýshy, sonyń ishinde EYDU, TMD, Kavkaz, Ortalyq Aziia jáne ASEAN elderi bar.
