Shyǵys Qazaqstan oblysy Úrjar aýdanyndaǵy Alakól demalys ornyna biylǵy jazda 1 mln-nan astam týrist keldi, dep habarlaidy QazAqparat.
Úrjar aýdanynda týrizm salasyna erekshe kóńil bólinýde. Demalýshylarǵa jaily jaǵdai jasaý maqsatynda aýqymdy jobalar iske asyrylyp jatyr.
Aýdan ortalyǵyndaǵy áýejaidy qaita jańǵyrtý jumystary da jalǵasýda.
Bul týraly ShQO Aimaqtyq kommýnikatsiialar ortalyǵynda ótken baspasóz máslihaty barysynda aýdan ákimi Nurjan Toqseiitov málim etti.
«Alakólde «Maqanshy-Kóktal» baǵyty arqyly joǵary kerneýli elektr jelisi tartyldy. Sonymen qatar kól jaǵalaýynda sý qubyryn tartý jumystaryn júrgizý maqsatynda biýdjetten 986,5 mln teńge bólingen. Biyl jaz maýsymynda demalys ornyna 1 mln-nan astam týrist keldi», - deidi Nurjan Toqseiitov.
Onyń aitýynsha, biyl Alakólde politsiia jáne feldsherlik pýnkt salýǵa oblystyq biýdjetten 157,1 mln teńge qarjy jumyldyrylǵan.
Qurylys jumystary jyl sońyna deiin aiaqtalady.
Budan bólek, Alakól jaǵalaýynda 60 gektar jerdi qurǵatý josparlanyp otyr.
