Shyǵys Qazaqstan oblysy Úrjar aýdanyndaǵy Alakól demalys ornynda sýǵa batyp kete jazdaǵan adam jaǵaǵa shyǵarylǵan, dem almai jatqan ony sol mańda júrgen tis dárigeri men sportshy jasandy tynys aldyryp qutqaryp qaldy, dep habarlaidy "Ult aqparat".
ShQO Tótenshe jaǵdailar departamenti baspasóz qyzmetiniń málimetine súiensek, Ásem Ómirbekova men Aidos Serikqaliuly sýǵa tunshyqqan adamǵa jedel járdem qyzmetkerleri kelip jetkenshe alǵashqy meditsinalyq kómek kórsetken.
«Ekeýi dostarymen birge Alakólge demalýǵa barǵan. Kenet olar sý jaǵasynda jatqan bireýdiń qasynda kóp adamnyń jinalyp qalǵanyn baiqaidy. Ásem men Aidos sol jaqqa qarai júgire jóneldi. Belgili bolǵandai, jańa batyp kete jazdaǵan adam sýǵa tunshyǵyp qalǵan. Aidos onyń keýde tusyna massaj jasap, jasandy tynys aldyrý arqyly ómirin saqtap qalýǵa tyrysty. Ásem de qarap qalmai oǵan kómek kórsetti. Osynyń arqasynda esin jiǵan er adam jedel járdem dárigerlerine tapsyrylǵan», - delingen aqparatta.
Aita keteiik, Aidos Serikqaliuly Semeidegi djiý-djitsý mektebin ashqan álem chempiony. Al Ásem Ómirbekova tis dárigeri bolyp jumys isteidi.
