Foto: gov.kz
Jazǵy demalys ailarynda Alakóldegi jaǵdai kópshiliktiń nazaryn aýdaryp, narazylyqqa ushyraidy. Otanymyzda demalýdy tańdaǵan azamattar shipaly kóldiń múshkil ahýalyn aityp, Alakólde demalǵannan shetelge barǵan tiimdi dep jatady. Bul tek halyqtyń ǵana emes, memleket basshysynyń da nazaryn aýdaryp otyrǵan másele. Bul týraly Ult.kz habarlaidy.
Biil Alakólge saparlaǵandardyń biri Yes.yesseniya esimdi TikTok qoldanýshy. Ol 2 jyl buryn shetelge barýdy doǵaryp, otandyq týrizmdi qoldaý úshin elimizde demalýdy sheshken. "Shetelge baratyn baǵaǵa Alakólge barýdy shetim" degen TikTok qoldanýshy qazir Alakóldegi baǵa tipti 1,5 ese kóterilgenin aitady.
"Jol shyǵynyn qospaǵanda 6 kúnge 4 eresek adam, 2 bala jáne 1 "infant" shyǵyny - 1 200 000 teńgege tústi. Qazir Vetnamǵa 10 kúndik demalys ushaqpen ushý qunyn qosqanda 200 000 teńgeden bastalady. Paradoks. Osy sommaǵa biz Alakólde ne aldyq? Salynyp bitpegen otel, al salynǵandary synyp qalǵan. Bólmege kirý urystan bastaldy. Nomerde ýnitaz las, jerde shash jatyr, bóten adamdardyń izi bar. Al jaǵajaida nájis, qoqys jáne jaǵymsyz iis bar. Sondyqtan demalys tereń kúrsinýden bastaldy.
Arbat - bólek másele. Búkil tendrdiń jumysyn "bir kúrekpen" atqarǵandai, sebebi qazirdiń ózinde qirap jatyr. Al baǵasy Eýropadaǵydai. Qyzmetkórsetý joq.
Sanitarlyq jaǵdai... Káriz sýy tikelei kólge aǵyp jatyr. Jyl saiyn ýlaný. Adamdar ýaqytynan buryn qaityp ketip jatyr", - deidi ol.
Dese de TikTokerge Alakól kólinde unaǵan da tustary bar kórinedi.
"Bizdiń demalysty ne qutqardy? Kúnniń batysy! Qudaiym-aý, qandai ǵajap kúnniń batýy! Sondai-aq araldaǵy sýdyń, jaǵajaidyń tazalyǵy men tynyshtyq keremet boldy. Ol jerde rasymen demalýǵa bolady. Ol jerge barý úshin otbasyna 40 000 teńge tóleý kerek. Sonymen qatar jaǵajaida demalý jaisyz bolǵandyqtan qonaqúidiń aýlasyndaǵy haýyz bizdi "qutqardy". Biz rasymen otandyq týrizmdi qoldaǵymyz keldi. Biraq, shyny kerek, qatty stress alyp qaittyq. Alakólge qaityp kelemin be? Sizder jaýabyn bilesizder dep oilaimyn", - dedi Yes.yesseniya.
Esterińizde bolsa, kezinde ǵaryshkerlerdiń ózderi kelip shipa tapqan kóldiń búgingi kúiin Prezident Qasym-Jomart Toqaevtyń ózi synǵa alǵan bolatyn. Atap aitqanda, qajetti týristik infraqurylym, qyzmet kórsetý men qaýipsizdik laiyqty deńgeide qamtamasyz etilmegeni sóz bolǵan.
Prezident Úkimetke qysqa merzim ishinde eldegi barlyq týristik baǵyttyń jaǵdaiyn retke keltirip, olqylyq jibergen laýazymdy tulǵalardy jaýapkershilikke tartýdy tapsyrǵan.
Toqaevtyń synynan keiin QR Premer-ministriniń orynbasary Ermek Kósherbaevtyń ózi Alakól kóline baryp, jaǵalaýdaǵy demalys aimaqtaryn tekserdi. Kól jaǵalaýy qatań baqylaýǵa alynyp, zańbuzýshylyqtar anyqtaldy. Nátijesinde birqatar sheneýnik jaýapqa qartyldy.
Foto: Úkimet
Sondai-aq buǵan deiin Abai oblysynda maýsym aiynan beri 300-ge jýyq ákimshilik quqyqbuzýshylyq tirkelgeni týraly aqparat shyqqan. Onyń ishinde eń kóp kezdesetini – qoǵamdyq oryndardy lastaý (141 jaǵdai). Sonymen qatar, mal jaiýǵa tyiym salynǵan aýmaqtarda – 74 jaǵdai, abattandyrý qaǵidalaryn buzý – 15, ruqsat etilmegen saýda – 22 fakti anyqtaldy.Jol qozǵalysy bóliginde de birqatar zańbuzýshylyqtar tirkelgen: mas kúide kólik júrgizýdiń 13, qujatsyz kólik basqarýdyń 7 jáne jaiaý júrginshiler tarapynan 8 derek.
Al Jetisý oblysy qurylǵannan beri Alakól aýdanyna 4,8 mln týrist kelgen, sonyń 1,8 mln-ny ótken jyldyń úlesinde.
Aita keteiik, Alakól kóliniń eki jaǵajaiy týrist qabyldaidy. Onyń biri Abai oblysyna, ekinshisi Jetisý oblysyna qaraidy.
