Alakóldiń Araltóbe shaǵyn aralyndaǵy qyzyl úirekterdiń qyrylý faktisiniń mán-jaiy anyqtalyp jatyr. Bul týraly Ekologiia, geologiia jáne tabiǵi resýrstar ministrliginiń orman sharýashylyǵy men janýarlar dúniesi komitetiniń baspasóz hatshysy Sáken Dildahmet facebook paraqshasynda jazdy, dep habarlaidy "Ult aqparat".
«Shyǵys Qazaqstan oblysynyń orman sharýashylyǵy men janýarlar álemi aýmaqtyq inspektsiiasynyń memlekettik inspektorlary Alakól memlekettik tabiǵi qoryǵynyń qyzmetkerlerimen birge jabaiy qustardyń qyrylýyna bailanysty Alakól kóliniń Araltóbe shaǵyn aralyna baryp qaitty. Araldy tekserý barysynda mamandar 9 óli otúirek (qyzyq úirek) jatqanyn anyqtady. Mamandar úlken, orta jáne shaǵyn Araltóbeni tekserip shyqty. Otúirekterdiń jappai qyrylý faktisi anyqtalǵan joq», - dedi Sáken Dildahmet.
Qustardyń qyrylý faktisin anyqtaý úshin inspektsiia qyzmetkerleri tiisti memlekettik organdarǵa habarlama berdi.
«Oqiǵa ornyna ǵylymi uiymdar men inspektsiia, ekologiia departamentiniń qyzmetkerleri barady», - deidi ol.
