Mamandar Alakólden alynǵan sýdy zerthanalyq tekseristen ótkizip jatyr. Bul týraly Ekologiia, geologiia jəne tabiǵi resýrstar ministrliginiń baspasóz hatshysy Samal Ibraeva málim etti, dep habarlaidy "Ult aqparat".
«Alakólge qubyr arqyly aǵyzylǵan jerden synama alynyp, zerthanalyq zertteý jasalýda. Jaqynda osy jaǵdaiǵa bailanysty Qazaqstan Respýblikasynyń Ekologiia, geologiia jəne tabiǵi resýrstar ministrligi, Almaty oblysy əkimdigi jəne quqyq qorǵaý organdary mamandarynan turatyn arnaiy komissiia quryldy», - dep jazady facebook paraqshasynda Samal Ybyraeva.
Komissiia músheleri oqiǵa bolǵan jerge kelip, sýdyń kól jaǵasynda ornalasqan «Kóktem grand rezort» JShS balalar men eresekter basseininen aǵyzylǵanyn anyqtaǵan.
«Búgingi kúni qonaq úi sý aǵyzýdy toqtatty. Ol jerde komissiia jumys isteýde. Sý synamasyna zerthanalyq zertteý (bakteriologiialyq, virýsologiialyq jəne parazitologiialyq taldaý) jasalýda. Taiaýda nətijesi shyǵarylady», - deidi ol.
Ministrliktiń baspasóz hatshysy tergep-tekserýdiń sońynda kólge sý aǵyzǵan JShS-ǵa qatysty shara qabyldanatynyn málim etti.
Eske sala ketsek, Almaty oblysyndaǵy Alakól kóline qubyr arqyly lai sý tógilip jatqany buǵan deiin habarlanǵan bolatyn. Áleýmettik jelige taraǵan video halyqtyń narazalyǵyn týdyrǵan.
QR Ekologiia, geologiia jáne tabiǵi resýrstar ministri Maǵzum Myrzaǵaliev bul jaǵdaiǵa kináliler jazalanatynyn habarlady.
