Kórneki foto: © pixabay.com/Pexels
Alakólde demalýshynyń aiaǵyn sý mototsikliniń eskishi julyp ketti, - dep habarlaidy QazAqparat agenttigi.
Oqiǵa 30 shilde Jetisý oblysy Alakól aýdanynyń Aqshi aýylyndaǵy kól jaǵalaýynda bolǵan.
1984 jylǵy zardap shegýshi Alakól aýdanynyń aýrýhanasyna jetkizildi. Sý mototsikli onyń sol aiaǵyn julyp áketken.
«Qazir naýqastyń jaǵdaiy aýyr. Ol arnaiy apparattyń kómegimen tynys alyp jatyr. 1984 jyly týǵan patsient Alakól aýdandyq aýrýhanasyna 30 shilde saǵat 16:10 kelip tústi. Alǵan jaraqaty saldarynan patsienttiń sol aiaǵy julynyp ketken. 3-4 satydaǵy travmatikalyq shok alǵan. Jedel túrde sol aiaǵyna operatsiia jasaldy.
31 shilde kúngi málimet boiynsha patsienttiń jaǵdaiy óte aýyr. Jansaqtaý bóliminde em qabyldap jatyr», - delingen Jetisý oblystyq densaýlyq saqtaý basqarmasynyń baspasóz qyzmetiniń habarlamasynda.
Politsiia derekke qatysty QR QK 344-baby boiynsha qylmystyq is qozǵap, tergeý júrgizip jatyr.
