Parlament Senatynyń depýtaty Álimjan Qurtaev «ál-Farabi izderimen» atty respýblikalyq ǵylymi-zertteý ekspeditsiiasynyń quramynda Túrkiia, Livan jáne Siriia elderinde saparda boldy, dep habarlaidy "Ult aqparat" Senattyń baspasóz qyzmetine silteme jasap.
«Rýhani jańǵyrý» baǵdarlamasy jáne Elbasynyń «Uly dalanyń jeti qyry» atty maqalasyna orai júzege asatyn sharalar boiynsha 2020 jyly Shyǵystyń uly oishyly ál-Farabidiń 1150 jyldyǵyn IýNESKO aiasynda atap ótý josparlanǵan bolatyn.
Qazaq ulttyq ýniversiteti ǵulama ǵalymnyń 1150 jyldyǵyna daiyndyq aiasynda mediakompaniialarmen birlese otyryp, ál-Farabidiń ómiri men qyzmetine arnalǵan birneshe derekti film túsirýdi qolǵa aldy. Qazirgi kezde ál-Farabi týraly «Ustazdyń oralýy» tórtinshi derekti filmi boiynsha jumystar atqarylýda. Bizdiń elimizdiń farabitanýshy jetekshi ǵalymdary, qoǵam jáne mádeniet qairatkerleri quramyna engen arnaiy ǵylymi-zertteý ekspeditsiiasy «ál-Farabi izderimen» filmin túsirý maqsatynda negizgi jumystardy bastap ketti.
Ońtústik Qazaqstan oblysyndaǵy Otyrar aýdanynyń ákimi bolǵan kezde tarihi-ólketaný murajaiynyń qurylysyn salýǵa, ál-Farabidiń eskertkishin ashýǵa jáne ejelgi Otyrardaǵy arhelogiialyq qazba jumystaryn jandandyrýǵa yqpal etken Parlament Senatynyń depýtaty Álimjan Qurtaev ekspeditsiia quramyna engen bolatyn.
