Búgin QR Premer-Ministriniń orynbasary Berdibek Saparbaev bastaǵan Úkimet músheleri Túrkistan oblysyna keldi. Memleket basshysynyń «Syndarly qoǵamdyq dialog - Qazaqstannyń turaqtylyǵy men órkendeýiniń negizi» atty Joldaýdaýynyń oryndalýyn nasihattaýǵa kelgen top tarihi Otyrar aýdanyn aralady, dep habarlaidy "Ult aqparat".
Delegatsiia Sháýildir aýylynda kúrdeli jóndeýden ótip jatqan mádeniet úiiniń qurylys jumystarymen tanysty. Nysandy jańartýǵa respýblikalyq biýdjetten 262,9 mln teńge bólinip, jóndeý jumystary tamyz aiynda bastalǵan. Qazirgi tańda mádeniet úiine sý qubyrlary men káriz júieleri tartylyp, ishi men syrtyn árlenip jatyr. Qurylys jumystaryna 46 adam jumyldyrylyp, nysan osy jyldyń sońynda paidalanýǵa beriledi dep kútilýde. Óner ordasyn aralap kórgen Berdibek Saparbaev oblys jáne aýdan basshylaryna jóndeý jumystaryna birqatar ózgerister engizip, kireberisin zamanaýi úlgide jasaý kerektigin eskertti. Bastysy - sapasyna kóńil bólip, bilikti sáýletshilerdi tartý qajettigin aityp ótti.
«Merdigerdiń jumysy sapaly bolsyn, ony baqylap otyrý qajet. Óitkeni bul jerde halyqaralyq deńgeidegi konferentsiia ótedi. Shetelden qonaqtar keledi. Eń negizgisi - syrtqy kelbeti, adamdar syrtyn kóredi. Sony zamanaýi úlgige sáikestendirip jasaý kerek. Jaqsy dizainmen jasalsa, evropalyq standartta emes. Kelbeti qazaqi naqyshta, ulttyq iisi shyǵyp turǵany jón», - dedi Berdibek Saparbaev.
Munan keiin Úkimet basshysynyń orynbasary aýdan ortalyǵyndaǵy alań men ál-Farabi eskertkishiniń búgingi jaǵdaiymen tanysty. Otyrar kitaphanasyn aralap, onda da birqatar jóndeý jumystaryn júrgizý qajettigin atap ótti. Kelesi jyldyń qyrkúiek aiynda keń kólemde atalyp ótetin ál-Farabidiń 1150 jyldyq mereitoiyn toilaý kezinde keletin qonaqtar men týrister sol nysandardy aralap, tarihymyzben tanysady.
Berdibek Máshbekuly jańadan salynǵan kóne Otyrar qalashyǵy janyndaǵy sapar ortalyǵynda óńirdiń ziialy qaýym ókilderi men tarihshylar, ǵalymdar bas qosqan alqaly jiynǵa qatysty. Basqosýda Berdibek Saparbaev ál-Farabi mereitoiy aldyndaǵy daiyndyq jumystaryn pysyqtap, jergilikti turǵyndar men ǵalymdardyń usynys-pikirlerin tyńdady. Otyrar óńirindegi tarihi nysandardyń qazirgi jaǵdaiy men sáýletine qandai ózgerister engizý kerek, qosymsha taǵy qandai nysandar jóndelgeni durys degen máseleni talqylady. Bul rette basqosýǵa kelgen ǵalymdar Otyrar kitaphanasyn ashsa, Oqsyz degen tarihi oryndy retke keltirse degen tilekterin jetkizdi.
«Ózgeler qazaqta ónerkásip, ǵylym, saýda-sattyq degen bolmaǵan, kóshpendi halyq bolǵan dep aityp jatady. Biz ejelden mádenietimiz jaqsy damyǵanyn osy Otyrardan bastap kórsetýimiz kerek. Otyrardaǵy mýzeidi qalpyna keltirip, ishindegi jádigerlerdi jóndeý kerek. Kelgen qonaqtar, sheteldiktersuraqtarǵa jaýap alýy kerek. Olardy qandai dúnielermen tań qaldyra alamyz, sony oilaný kerek. Álemde farabitanýmen ainalysatyn 11 ortalyq ashylǵan. Syrtqy ister ministrligi ár elshilikke tapsyrma berýi kerek. Sol ortalyqtarda tabylǵan ǵuulamanyń eńbekterin osynda aldyrý qajet. Farabitanýshylardy shaqyryp, aqyldasý kerek. Ál-Farabidiń ánderi men shyǵarmalaryn jaryqqa shyǵarýymyz kerek», - dedi Berdibek Saparbaev.
