Almatyda Ál-Farabi, Shyǵys ainalma joly, Sain kóshelerinde saǵatyna 80 shaqyrym jyldamdyq rejimi qaitarylǵan soń jol ahýalynda ne ózgeris bolǵanyn qalalyq Politsiia departamentiniń basshysy Qanat Taimerdenov aitty, dep habarlaidy "Ult aqparat".
«Osy ýchaskelerde jyldamdyq rejimi qaita qalpyna kelgen soń joldaǵy kólikterdiń qozǵalysy jeńildedi. Alaida jol apaty azaidy dep aita almaimyz. Dańǵyldyń boiynda «Sergek» kameralaryn ornattyq. Jyldamdyq saǵatyna 80 shaqyrym bolatyn Ál-Farabi dańǵylynda, Shyǵys ainalma jolynda jol erejesin buzý áreketterin kameralar arqyly baqylap otyrmyz», - dedi PD basshysy.
Onyń aitýynsha, búginde qalada «Sergek» kameralarynyń 404 posty ornatylǵan. Jyl sońyna deiin Tóle bi, Abai, Ál-farabi dańǵyldarynda taǵy 362 kamera ornatý kózdelgen.
Aita ketý kerek, Ál-Farabi dańǵylynda, Shyǵys ainalma joly, Sain kóshelerinde 2019 jyldyń 15 qańtarynda jol apaty sanyn azaitý maqsatynda jyldamdyq saǵatyna 80 shaqyrymnan 60 shaqyrymǵa tómendetilgen bolatyn.
Alaida, qoǵam ókilderiniń ótinishine bailanysty ákimdik jyldamdyq rejimin 80 shaqyrymǵa qaita ózgertti.
