الماتىدا ەل-فارابي, شىعىس اينالما جولى, ساين كٶشەلەرٸندە ساعاتىنا 80 شاقىرىم جىلدامدىق رەجيمٸ قايتارىلعان سوڭ جول احۋالىندا نە ٶزگەرٸس بولعانىن قالالىق پوليتسييا دەپارتامەنتٸنٸڭ باسشىسى قانات تايمەردەنوۆ ايتتى, دەپ حابارلايدى "ۇلت اقپارات".
«وسى ۋچاسكەلەردە جىلدامدىق رەجيمٸ قايتا قالپىنا كەلگەن سوڭ جولداعى كٶلٸكتەردٸڭ قوزعالىسى جەڭٸلدەدٸ. الايدا جول اپاتى ازايدى دەپ ايتا المايمىز. داڭعىلدىڭ بويىندا «سەرگەك» كامەرالارىن ورناتتىق. جىلدامدىق ساعاتىنا 80 شاقىرىم بولاتىن ەل-فارابي داڭعىلىندا, شىعىس اينالما جولىندا جول ەرەجەسٸن بۇزۋ ەرەكەتتەرٸن كامەرالار ارقىلى باقىلاپ وتىرمىز», - دەدٸ پد باسشىسى.
ونىڭ ايتۋىنشا, بٷگٸندە قالادا «سەرگەك» كامەرالارىنىڭ 404 پوستى ورناتىلعان. جىل سوڭىنا دەيٸن تٶلە بي, اباي, ەل-فارابي داڭعىلدارىندا تاعى 362 كامەرا ورناتۋ كٶزدەلگەن.
ايتا كەتۋ كەرەك, ەل-فارابي داڭعىلىندا, شىعىس اينالما جولى, ساين كٶشەلەرٸندە 2019 جىلدىڭ 15 قاڭتارىندا جول اپاتى سانىن ازايتۋ ماقساتىندا جىلدامدىق ساعاتىنا 80 شاقىرىمنان 60 شاقىرىمعا تٶمەندەتٸلگەن بولاتىن.
الايدا, قوعام ٶكٸلدەرٸنٸڭ ٶتٸنٸشٸنە بايلانىستى ەكٸمدٸك جىلدامدىق رەجيمٸن 80 شاقىرىمعا قايتا ٶزگەرتتٸ.
