Foto: TJM
Atyraý oblysynda «Aqjaiyq» tabiǵi rezervatyndaǵy qamys órtiniń naqty sebebi anyqtalmady. Biraq adam faktorynyń áseri bolýy múmkin ekenin joqqa shyǵarylmady, dep habarlaidy Kazinform.kz.
Atyraý oblystyq tótenshe jaǵdailar departamentiniń bastyǵy Nurlan Jańabaev osyndai pikirimen bólisti.
– Qamys órtiniń boljamdy sebebi – adami faktor. Osy kezge deiin órttiń ózdiginen tutanatyndai aýa-raiy ystyq ta, naizaǵai da bolǵan joq. Qazir jinaqtalǵan materialdar politsiia departamentine joldanady, - deidi Nurlan Jańabaev.
Onyń aitýynsha, keshe keshkisin órt sharpyǵan aýmaq shamammen 1515 gektarǵa jetken. Keshe keshke deiin «Qazaviaspas» mekemesiniń MI-8 tikushaǵymen 12 tonna sý tógilgen.
Qamys órtin sóndirýge 150-ge jýyq adam, 50-ge tarta tehnika tartylǵan.
Eske sala ketelik, Atyraýda «Aqjaiyq» tabiǵi rezervatyndaǵy qamys órti áli tolyq sónbegenin jazǵan edik.
«Aqjaiyq» rezervatyndaǵy ahýal baqylaý munaralarynan tikelei kórsetile bastady. Sondai-aq 50 gektarda qamys órti sóndirilip jatqanyn jazǵan edik.
