فوتو: تجم
اتىراۋ وبلىسىندا «اقجايىق» تابيعي رەزەرۆاتىنداعى قامىس ٶرتٸنٸڭ ناقتى سەبەبٸ انىقتالمادى. بٸراق ادام فاكتورىنىڭ ەسەرٸ بولۋى مٷمكٸن ەكەنٸن جوققا شىعارىلمادى, دەپ حابارلايدى Kazinform.kz.
اتىراۋ وبلىستىق تٶتەنشە جاعدايلار دەپارتامەنتٸنٸڭ باستىعى نۇرلان جاڭاباەۆ وسىنداي پٸكٸرٸمەن بٶلٸستٸ.
– قامىس ٶرتٸنٸڭ بولجامدى سەبەبٸ – ادامي فاكتور. وسى كەزگە دەيٸن ٶرتتٸڭ ٶزدٸگٸنەن تۇتاناتىنداي اۋا-رايى ىستىق تا, نايزاعاي دا بولعان جوق. قازٸر جيناقتالعان ماتەريالدار پوليتسييا دەپارتامەنتٸنە جولدانادى, - دەيدٸ نۇرلان جاڭاباەۆ.
ونىڭ ايتۋىنشا, كەشە كەشكٸسٸن ٶرت شارپىعان اۋماق شاماممەن 1515 گەكتارعا جەتكەن. كەشە كەشكە دەيٸن «قازاۆياسپاس» مەكەمەسٸنٸڭ مي-8 تٸكۇشاعىمەن 12 توننا سۋ تٶگٸلگەن.
قامىس ٶرتٸن سٶندٸرۋگە 150-گە جۋىق ادام, 50-گە تارتا تەحنيكا تارتىلعان.
ەسكە سالا كەتەلٸك, اتىراۋدا «اقجايىق» تابيعي رەزەرۆاتىنداعى قامىس ٶرتٸ ەلٸ تولىق سٶنبەگەنٸن جازعان ەدٸك.
«اقجايىق» رەزەرۆاتىنداعى احۋال باقىلاۋ مۇنارالارىنان تٸكەلەي كٶرسەتٸلە باستادى. سونداي-اق 50 گەكتاردا قامىس ٶرتٸ سٶندٸرٸلٸپ جاتقانىن جازعان ەدٸك.
