Atyraý oblysynda Kaspii jaǵalaýyndaǵy «Aqjaiyq» rezervatynda 7-shi kún órt jalyndaýda, dep habarlaidy "Ult aqparat".
Óńirdiń Tótenshe jaǵdailar departamentinen málim etkendei, búginge deiin órt saldarynan Kaspii jaǵalaýyndaǵy 10 gektar qamys qopasy janyp ketti. Sondai-aq jalyn Keńózek aýyldyq okrýgindegi 5 gektar jerdi sharpydy. Órt 22 tamyz kúni osy aýyldyq okrýgte bastalyp, «Aqjaiyq» tabiǵi rezervatyna aýysqan bolatyn.
Tilsiz jaýmen kúreske rezervattyń 15 qyzmetkeri, eki órt sóndirý mashinasy jáne motopompasy bar eki qaiyq jumyldyrylǵan. Batpaqty jerlermen ótý múmkindiginiń joqtyǵy órttiń shyǵý oshaqtaryna jetýge qiyndyq týǵyzýda.
