Nigeriia Aqjarqyn Turlybai isi boiynsha kúdiktini ázirge ekstraditsiialaǵan joq. Bul týraly QR Bas prokýratýrasy málimdedi, - dep habarlaidy Tengrinews.kz agenttigi.
Aita keteiik, Adindo Nonso Fortýnnyń ustalǵany 20 maýsymda belgili boldy. Sodan beri 6 aiǵa jýyq ýaqyt ótti.
"Adindo N.F. esirtkiniń zańsyz ainalymyna qatysty qylmys jasaǵany úshin Almaty qalalyq politsiia departamentimen izdeýde bolǵan. Ol 2022 jylǵy 20 maýsymda Nigeriiada ustaldy. Qazirgi ýaqytta ony qamaýda ustaý jáne Qazaqstanǵa odan ári ekstraditsiialaý týraly odan ári protsessýaldyq sheshim qabyldaý maqsatynda qajetti materialdar Nigeriia UOB-na joldandy. Qazirgi ýaqytta Nigeriia tarapy qarastyryp jatyr", - delingen halyqaralyq-quqyqtyq yntymaqtastyq qyzmetiniń bastyǵy Artýr Lastaevtyń qoly qoiylǵan BP jaýabynda.
Eske sala keteiik, qazaqstandyq Aqjarqyn Turlybai 2014 jyly naýryzda Gýanjoý áýejaiynda ustalǵan edi. Keiin ony ómir boiyna bas bostandyǵynan aiyrǵan bolatyn. Biraz ýaqyttan keiin sot úkimi joiylyp, is qaita qaraýǵa joldanǵan.
Boijetken esirtki týraly bilmegenin alǵa tartady. Nigeriialyq esirtki tasymalynyń uiymdastyrýshysy áli ustalǵan joq. Al Aqjarqyn 2015 jyly maýsymda ómir boiyna bas bostandyǵynan aiyrylǵan bolatyn.
