Ulttyq bank tóraǵasy Daniiar Aqyshev "7-20-25" jańa turǵyn úi baǵdarlamasy qashan bastalatynyn naqtylady, dep habarlaidy Sputnik Qazaqstan tilshisi.
"7-20-25" baǵdarlamasyn mamyrda qosamyz dep eshkim ýáde bergen joq. Baǵdarlama osy jyldyń ekinshi jartysynda bastalýy úshin mamyrda barlyq qajetti qujatty qabyldaýǵa daiynbyz dedik. Onyń ústine baǵdarlamany sátti iske qosý úshin zańnamalyq ózgerister qajet. Qazir dál sol ózgerister senattyń qaraýynda jatqan "valiýtalyq retteý týraly" zań jobasyna engizilgen. Bul túzetýlersiz baǵdarlamany iske qosý qiyn", — dedi Aqyshev senat kýlýarynda.
Ulttyq bank basshysy baǵdarlama qabyldanǵanyn, "Baspana" ipotekalyq uiymy qurylǵanyn atap ótti.
"Qazir atalǵan uiym ádilet organdarynda tirkeýden ótip jatyr. Eger biz barlyq shartty oryndasaq, baǵdarlamany osy jyldyń ekinshi jartyjyldyǵynan bastap iske asyrýǵa kirisemiz. Onyń ústine ekinshi deńgeili banktermen barlyq máseleni pysyqtadyq, qarjy sektorymen óte kóp kezdesý ótti. Óitkeni erteń azamattar osy bankterge júginedi. Qazir Ulttyq bank pen ekinshi deńgeili bankter tarapynan eshqandai problema kórip turǵan joqpyz", — dep túiindedi ol.
