"7-20-25" baǵdarlamasy boiynsha qazirgi tańda qaryz alýǵa 42 mlrd teńge somasyndaǵy 3539 ótinim kelip tústi, onyń 28 mlrd teńge somasyndaǵy 2352 ótinimdi maquldandy. Bul týraly Ulttyq Bank tóraǵasy Daniiar Aqyshev Úkimet otyrysynda aitty, dep habarlaidy Baq.kz agenttigi.
D. Aqyshevtyń aitýynsha, qazirgi ýaqytta 7 bank ótinim qabyldaýda, olar: Bank TsentrKredit, ATFBank, Tsesnabank, Bank RBK, Eýraziialyq Bank, Halyq banki jáne ForteBank.
Ol sonymen birge Memleket basshysynyń tapsyrmasyn jyldam bastap, iske asyrýdyń mańyzdy ekenin atap ótti.
«Qysqa merzim ishinde qajetti infraqurylym quryldy, aqparattyq kampaniia keńeitildi, banktermen jáne halyqpen belsendi túrde jumys júrip jatyr. Tiimdilikti arttyrý úshin qyrkúiekte biz Baǵdarlamaǵa ózgerister engizildi. Shymkent qalasy jáne Astana men Almaty qalalarynyń qala mańyndaǵy aimaqtary satyp alynatyn baspananyń eń joǵary quny 25 mln teńge mólsherindegi óńirlerge jatqyzyldy. Ákimdikter jáne qurylys investorlary iske asyratyn jyljymaityn turǵyn úi nysandary esebinen bastapqy baspana uǵymy keńeitildi. Baspana usynysyn yntalandyrý sharalary engizildi. «Baspana» ipotekalyq uiymynyń jergilikti atqarýshy organdardyń teńgemen obligatsiialaryn baspana salý úshin naryqtyq mólsherlememen satyp alý tetigi kózdelgen», - dedi D. Aqyshev.
Jiyn barysynada ol, quny 10 mln teńge bolatyn páterdi satyp alý úshin 2 mln teńge mólsherinde bastapqy jarna qajet ekenin túsindirdi. Bul kezde ai saiynǵy tólem 57 myń teńge bolady, tiisinshe banktiń maquldaýyn alý úshin azamattyń ai saiynǵy kirisi shamamen 120 myń teńge bolýy kerek eken. Sebebi nesie boiynsha borysh kólemi kiristiń jartysynan aspaýǵa tiis degen ereje bar.
«Halyqtyń tólem jasaýǵa qabiletti bolýy baǵdarlamany sátti iske asyrý faktorlarynyń biri bolyp tabylady jáne ony odan ári yntalandyrý úshin Úkimet pen Ulttyq Banktiń birlesken sharalary qajet», - deidi D.Aqyshev
