Sh.Aimanov atyndaǵy «Qazaqfilm» AQ «Aqyn» atty (jumys boiynsha ataýy) tolyqmetrajdy kórkem filmdi túsirmek, dep habarlaidy "Ult aqparat" kinostýdiianyń baspasóz qyzmetine silteme jasap.
Filmniń rejisseri – Dárejan Ómirbaev.
«German Tesstiń «Shyǵarmashylyq kesh» atty áńgimesiniń jelisi boiynsha túsiriletin týyndy Almatyda turatyn 40 jastaǵy qazaq aqynynyń ómirinen syr shertedi», - delingen habarlamada.
Kinojobaǵa kartinanyń uiymdastyrý qyzmeti kelesi talaptar boiynsha kasting jariialady:
- 35-55 jas aralyǵyndaǵy er adamdar;
- 25-35 jas aralyǵyndaǵy áiel adamdar;
- 70-75 jas aralyǵyndaǵy qariialar;
- 65-70 jas aralyǵyndaǵy áielder;
- 9-14 jas aralyǵyndaǵy ul balalar men qyzdar.
Kasting ár dúisenbi kúni «Qazaqfilm» kinostýdiiasyndaǵy «PLK» ǵimaratynda (2 qabat, 236 kab.) «Qadam» stýdiiasynda ótedi. Jeltoqsannyń 25-ne deiin jalǵasady.
