Qazaqstanda aqyly jolmen júrý tarifi ózgerissiz qalady. Bul týraly Indýstriia jáne infraqurylymdyq damý vitse-ministri Berik Kamaliev aitty, dep habarlaidy "Ult aqparat".
«Aqyly jolmen júrý tarifi 2013 jyly bekitilgen. Sodan beri ózgergen joq jáne ózgermeidi de», - dedi Berik Kamaliev Ortalyq kommýnikatsiialar qyzmetindegi baspasóz máslihaty barysynda.
Onyń dereginshe, elimizde jeńil avtokólikter úshin 1 shaqyrymyna 1 teńgeni, aýyr júk kólikteri úshin 1 shaqyrymyna júk syiymdylyǵyna bailanysty 5 teńgeden 25 teńgege deiingi somany quraidy.
Al kórshiles Reseide jeńil avtokólikter 1 shaqyrym úshin 7 teńge jáne júk kólikteri 7-den 55 teńgege deiin tóleidi. Eýropa elderindegi tarifter júk kólikteri úshin 5 ese, al jeńil avtokólikter úshin 20 ese joǵary.
