Biyl elimizde 18 baǵyttaǵy jol aqyly qyzmetke kóshedi, dep habarlaidy QazAqparat.
Bul týraly «QazAvtoJol» ulttyq kompaniiasy» AQ basqarma tóraǵasynyń orynbasary Arman Júsipov redaktsiianyń saýalyna bergen jaýabynda osylai aitty.
«2021 jyly Aqtaý-Beineý, Atyraý-Dossor-Beineý-Aqjigit, Qapshaǵai-Taldyqorǵan, Nur-Sultan-Pavlodar, Pavlodar-RF shekarasy (Ombyǵa), Pavlodar-Semei-Qalbataý, Taraz-Qainar, Shymkent- Ózbekstan shekarasy (Tashkentke), Aqtóbe- RF shekarasy (Orynborǵa), Aqtóbe-Oral, Qarabutaq-Qyzylorda, Qostanai-RF shekarasy (Troitsk qalasyna), Nur–Sultan-Qostanai, Oral- RF shekarasy (Samaraǵa), Oral-RF shekarasy (Saratovqa), Shymkent-Qyzylorda, Shymkent-Taraz, Shýchinsk-Petropavl ýchaskeleri aqyly bolady», - dep atap ótti ol.
Ulttyq kompaniia ókili aqyly joldardyń baǵasy áli de bolsa ár shaqyrymǵa 1 teńge kóleminde qalatynyn aitady.
«Aqyly ýchaskeler boiynsha júrip ótý úshin tólemaqy ólshemderin ýákiletti memlekettik organ - Indýstriia jáne infraqurylymdyq damý ministrliginiń Avtomobil joldary komiteti, basqa memlekettik organdarmen kelise otyryp, bekitedi», - deidi Arman Júnisov.
