Biyl eldegi aqyly joldardan 25,6 mlrd teńge alym jinaý kózdelgen, dep habarlaidy QazAqparat.
Úkimet otyrysynda jol-kólik infraqurylymyn damytý baǵytynda atqarylyp jatqan jumystar týraly aqparat bergen Indýstriia jáne infraqurylymdyq damý ministri Beibit Atamqulov aqyly joldar máselesine toqtaldy.
«Rekonstrýktsiiadan ótken avtojoldardy kútip-ustaý úshin aqyly joldar iske qosylýda. Ol shyǵyndardy tolyq jabýǵa jáne respýblikalyq biýdjetke túsetin júktemeni azaitýǵa múmkindik beredi. Asqar Uzaqbaiuly, (Asqar Mamin, QR Úkimet basshysy – avt.) Sizdiń tapsyrmańyzǵa sáikes, naýryz aiynda 5,8 myń shaqyrym jol aqy alý júiesi boiynsha paidalanýǵa berildi. Jyl sońyna deiin 25,6 mlrd teńge alym jinalady dep josparlanǵan. Onyń 20 mlrd teńgesi aqyly ýchaskelerdi kútip ustaýǵa, 5,6 mlrd teńgesi investitsiialardy qaitarýǵa baǵyttalady», - dedi vedomstvo basshysy.
Sondai-aq, Beibit Atamqulov 2024 jyldyń sońyna deiin 5,2 myń shaqyrym jolda rekonstrýktsiia jumystary aiaqtalǵannan keiin, aqyly júie engiziletinin atap ótti.
