QR Premer-Ministri Asqar Maminniń tóraǵalyǵymen ótken Úkimet otyrysynda «Nurly jol» infraqurylymdy damytýdyń 2015–2019 jyldarǵa arnalǵan memlekettik baǵdarlamasyn iske asyrý barysy týraly ulttyq ekonomika ministri R. Dálenov, indýstriia jáne infraqurylymdyq damý ministri R. Skliar baiandady, dep habarlaidy "Ult aqparat".
Ulttyq ekonomika ministrliginiń derekterine sáikes, «Nurly jol» memlekettik baǵdarlamasyn iske asyrýǵa 2018 jyly barlyq qarjylandyrý kózderinen shamamen 791 mlrd teńge kózdelgen, sonyń ishinde respýblikalyq biýdjetten 437,2 mlrd teńge qarastyrylǵan, onyń 437,1 mlrd teńgesi nemese 99,9%-y igerilgen.
R. Dálenovtyń aitýynsha, kólik infraqurylymyn damytý aiasynda jalpy 4,6 myń km qurylyspen jáne rekonstrýktsiialaýmen qamtyldy jáne 2018 jyldyń qorytyndysy boiynsha 528 km qozǵalys ashyldy. 928 km temir jolǵa kúrdeli jóndeý jumystary júrgizildi. Qostanai oblysynda ushý-qoný jolaǵyn rekonstrýktsiialaý jumystary júrgizildi jáne Semei qalasynyń ushý-qoný jolaǵyn rekonstrýktsiialaý jumystary aiaqtaldy. 2018 jyly 172,7 km injenerlik jeliler salyndy, olardyń tozýy 60%-dan 57%-ǵa deiin tómendedi. Baǵdarlamany iske asyrý 2018 jyly JIÓ ósimine úles qosyp, josparda 55 myń jumys orny kezinde 86 myńnan astam jumys ornyn qurýǵa jol ashty.
Óz kezeginde R. Skliar «Nurly jol» memlekettik baǵdarlamasy aiasynda avtojol jobalaryn iske asyrý jalǵasyp jatqanyn atap ótti. Memlekettik baǵdarlamany iske asyrý bastalǵannan beri avtojol salasynda 2,4 myń km respýblikalyq mańyzy bar avtojol salyndy jáne qaita jańǵyrtyldy.
Biyl 4,4 myń km jol qaita jańǵyrtylady, jobalarǵa 100 myńnan astam jol qurylysshylary tartylǵan. Jyl sońynda qaita jańǵyrtylǵan 654 shaqyrym avtojol qozǵalysyn ashý josparlanýda. Respýblikalyq mańyzy bar 1,6 myń km avtojol jóndeledi.
«Biyl qańtar aiynyń sońynda jalpy uzaqtyǵy 471 shaqyrym bolatyn Almaty — Qorǵas, Almaty — Qapshaǵai jáne Astana — Temirtaý jol ýchaskelerinde aqy alý júiesi tolyq iske qosyldy. Jalpy 2019 jyldyń qorytyndysy boiynsha aqyly ýchaskelerden túsetin jyl saiynǵy qarjy shamamen 5,4 mlrd tg quraidy. Kelesi jyly aqy alý júiesin taǵy 5,5 myń km júrgizý josparlanýda», — dedi R. Skliar. Jalpy, 2022 jyldyń sońyna qarai uzaqtyǵy shamamen 6,5 myń km jol aqyly bolady. Odan túsetin qarjy 40 mlrd teńgege jetedi degen boljam bar. Bul qarjy joldyń ózin ózi qamtý rejimine ótýge múmkindik beredi.
«Kelesi jyly aqy alý júiesin taǵy 5 myń 500 shaqyrymǵa júrgizý josparlanýda, ol avtomobil joldaryn kútip ustaý shyǵyndaryn azaitýǵa múmkindik beredi. 2022-shi jyldyń sońyna qarai uzaqtyǵy shamamen 6 myń 500 shaqyrym jol aqyly bolady. Al odan túsetin qarjy 40 milliard teńgege jetedi degen boljam bar. Atalǵan qarjy joldyń ózin-ózi kútip ustaý rejimine ótýge múmkindik beredi», - dedi R.Skliar Úkimettiń búgingi otyrysynda.
«Nur Otan» partiiasynyń sezinde Memleket basshysy bergen tapsyrmaǵa sáikes, jergilikti jeli joldaryn damytýdy qarjylandyrý jyl saiynǵy negizdi 200 mlrd teńgege deiin ulǵaitylatyn bolady. Bul sharalar 2025 jyldyń sońyna qarai 35 myńǵa jýyq shaqyrym joldy jóndep, jergilikti jelidegi joldardyń 95%-yn jaqsartýǵa múmkindik beredi
Sonymen qatar, azamattyq aviatsiiada kórketkishterdiń turaqty ósimi baiqalyp otyr. 2018 jyly tranzittik jolaýshylar sany 45%-ǵa artyp, 900 myń adamdy qurady. 2020 jyly tranzittik áýe jolaýshylarynyń sany 1,6 mln adamdy quraityn bolady.
Memlekettik baǵdarlamany iske asyrý kezeńinde 3259,7 shaqyrym jylýmen, sýmen qamtý jáne sý tartý jelileri, 24 qazandyq, 71 basqa da nysan salyndy. 2019 jyly 175 shaqyrym injenerlik jelini qaita jóndeý men salýǵa 37,9 mlrd teńge qarastyrylǵan.
Baǵdarlamany iske asyrý kólik salasyndaǵy makroekonomikalyq kórsetkishterdiń qarqynyn saqtap qana qoimai, sonymen qatar arttyrýǵa múmkindik berdi.Tek ótken jyldyń ózinde negizgi kapitalǵa salynǵan investitsiialardyń naqty ósimi 6,1%-ke ósip, shamamen 1,5 trln teńgeni qurady. Bul rette, kólik qyzmetteriniń kólemi 4,6%-ǵa, eńbek ónimdiligi 3,4%-ǵa ósti. Barlyq jobalardy iske asyrý barysynda 127 myń ýaqytsha jáne 34 myń turaqty jumys orny quryldy
R. Skliardyń aitýynsha, ázirlenip jatqan baǵdarlama aiasynda infraqurylymdyq damýdyń jańa saiasaty mynadai qaǵidattarǵa negizdeletin bolady: oblystyq jáne aýdandyq deńgeige basa nazar aýdara otyryp, halyqtyń ómir súrý sapasyn arttyrý, kólik túrlerin biryńǵai júiege biriktirý kontekstinde kólik infraqurylymyn damytý, intellektýaldyq tehnologiialarǵa, tsifrlandyrýǵa jáne jahandyq júielerge integratsiialaýǵa negizdelgen sheshimderdiń basymdyǵy.
«Soltústik – Ońtústik» elektr taratý jelilerin salý jáne «Qaraǵandy– Balqash» jolyn salý jobalaryn iske asyrý týraly Qaraǵandy oblysynyń ákimi E. Qoshanov, «Aqtóbe – Aqtaý» avtojoly jobasy boiynsha Aqtóbe oblysynyń ákimi O. Orazalin baiandady.
Sondai-aq, talqylaýlar barysynda Premer-Ministrdiń birinshi orynbasary – qarjy ministri Á. Smaiylov sóz sóiledi. Ol memlekettik baǵdarlamany iske asyrý aiasynda biyl memlekettik organdar men JAO qarajattardy jyldyń sońyna qaldyrmai, ýaqytyly igerýi qajet ekenin atap ótti.
QR Premer-Ministriniń orynbasary J. Qasymbek jalpy memlekettik baǵdarlamany iske asyrý 2018 jyldyń qorytyndysy boiynsha barlyq baǵyttarda jaqsy nátijeler kórsetkenin aitty. Qurylys pen rekonstrýktsiialaý jumystary josparly rejimde júrgizildi, aqy tóleý júiesi kezeń-kezeńimen engizildi. Sonymen qatar, sý tartý jáne sýmen jabdyqtaý máseleleri boiynsha qajetti is-sharalar júrgizilip jatyr, 2015 jyldan bastap jelilerdiń tozýy 57% deiin tómendetildi.
