Aqyly joldardy paidalaný kezinde UOS ardagerlerine jáne olarǵa teńestirilgen tulǵalarǵa jeńildikter berilýi múmkin, dep habarlaidy QazAqparat.
«QazAvtoJol» ulttyq kompaniiasy» AQ basqarma tóraǵasynyń orynbasary Arman Júsipov QazAqparat joldaǵan saýalǵa bergen jaýabynda osyndai málimet usyndy.
«Qazirgi ýaqytta aqyly ýchaskeni paidalanýshylar úshin abonenttik tólem engizildi. Kólik quraly aqyly ýchaskege irgeles aýdandarda tirkelgen jaǵdaida, abonenttik tólem 365 kúntizbelik kúnge 1000 teńgeni quraityn bolady. Sondai-aq, UOS ardagerlerine jáne olarǵa teńestirilgen tulǵalarǵa jeńildikter berý týraly usynys engizildi».
Arman Júnisov jol júrý aqysy keiin tólengen jaǵdaida bekitilgen tariften 1,5 ese qymbatqa túsetinin aitady.
«Tólemaqy alýdyń ashyq júiesinde (shlagbaýmdardyń bolmaýy) aldyn ala tóleý jáne odan keiin tóleý júiesi kózdelgen. Bul rette, keiin tólengen jaǵdaida tarif qoldanystaǵy tariftiń 1,5 koeffitsientimen alynatyn bolady», - dep jazylǵan resmi jaýapta.
