Túrkistandaǵy Q.A. Iasaýi atyndaǵy Halyqaralyq qazaq-túrik ýniversitetinde «Aika» tolyqmetrajdy psihologiialyq dramasynyń kórsetilimi ótti.
Sharaǵa 71-shi Kann festivalinde «Eń úzdik áiel róli» nominatsiiasyn jeńip alǵan bas keiipker Samal Esliamova men týyndynyń rejisseri Sergei Dvortsevoi arnaiy kelip, kórermendermen qaýyshty, dep habarlaidy "Ult aqparat".
Q.A. Iasaýi atyndaǵy HQTÝ-dyń rektory B.Ábdirásilov qonaqtarǵa oblys ákiminiń atynan syi-syiapat jasap, jemisti eńbekteri úshin alǵys bildirdi.
Óz kezeginde, týyndy rejisseri Sergei Dvortsevoi júrekjardy lebizin jetkizip, alty jylǵa sozylǵan túsirilim barysyn baiandady. Taspalaý kezindegi qiyndyqtarmen bólisip, óz rólin minsiz oinap shyqqan aktrisanyń sheberligin atap ótti.
Al, Aika obrazyn somdaýshy Samal Esliamova taǵdyry aýyr qyrǵyz qyzynyń róli ońaiǵa soqpaǵanyn aityp, bolashaqtaǵy josparlaryn ortaǵa saldy. Kórermenderdiń suraqtaryna jaýap berip, BAQ ókilderimen júzdesti.
Aita keteiik, oqiǵa jelisine Máskeýde jumys isteitin qyrǵyz áieliniń áleýmettik jaǵdaiy arqaý bolǵan. Týyndyda Qyrǵyz Respýblikasynan Máskeýge kelgen qyzdyń qiyn taǵdyryn sýretteledi. Resei astanasy ózge qyrynan kórsetilip, megapolisti migranttardyń kózimen beineleidi.
