Aqtóbeniń Mártók aýdanynda shekteý sharasy kúsheitildi. Jol boiyndaǵy qyzmet kórsetý ortalyqtary azyq-túlikti tek terezesinen ǵana satady, dep habarlaidy "Ult aqparat".
Aqtóbeniń Mártók aýdany Reseimen shekarada ornalasqan. Mundaǵy «Jaisań» shekara beketi arqyly kún saiyn kóp adam ótedi. Ári karantindik statsionar ornalasqan. Sońǵy aptada bul aýdandaǵy turǵyndar arasynda koronavirýs infektsiiasyn juqtyrǵandar sany artyp, aýdandyq bas memlekettik sanitar dárigeri jańa qaýly shyǵardy.
«Jaisań, Mártók, Táńirbergen, Saryjar aýyldyq okrýgteri «Aqtóbe-Orynbor» tasjolynyń boiynda ornalasqan. Barlyq qoǵamdyq tamaqtaný orny tapsyrysty dalaǵa shyǵaryp berýge mindetti. Jol boiyndaǵy janar-jaǵarmai beketi, azyq-túlik jáne azyq-túlik emes dúkender tapsyrysty terezeden ǵana qabyldaidy. Al senbi, jeksendi jáne meiram kúnderi azyq-túlik emes dúkender, qoǵamdyq tamaqtaný orny men bazarlar jumysyn toqtatady. Politsiia úi karantinindegi adamdardyń kóshege shyqpaýyn qadaǵalaýy tiis», - dep jazylǵan Mártók aýdandyq bas memlekettik sanitar dáriger A.Sharafýtdinovanyń qaýlysynda.
