Aqtóbe oblysynyń eko-belsendileri men Ekologiia, geologiia jáne tabiǵi resýrstar ministrligi mamandary oblystyń ekologiialyq problemalaryn keshendi sheshýdiń jol kartasyn ázirleidi. Bul týraly Ekologiia, geologiia jáne tabiǵi resýrstar ministri Maǵzum Myrzaǵaliev óziniń Twitter-degi paraqshasynda jazdy.
«Aqtóbe oblysy jurtshylyǵy óńirdegi ekologiialyq ahýal týraly áleýmettik jelide birqatar máseleler kóterýde. Búgin eko-belsendilermen, jurtshylyqpen osy sebeppen onlain-kezdesý ótkizdik. Qatysýshylar atmosferalyq aýany monitoringileý, lastaýshy kózder týraly tolǵandyrǵan máselelerdi, sondai-aq problemalardy sheshýdegi óz kózqarastaryn bildirdi», - dedi ministr.
«Kezdesý qorytyndysynda eko-belsendilermen birge jaqyn aralyqta emissiialardy qysqartý, jasyl beldeýdi damytý, óndiris qaldyqtaryn basqarý sharalaryn qarastyratyn oblystyń ekologiialyq problemalaryn keshendi sheshýdiń jol kartasyn jasap, bekitý kelisildi», - dep habarlady M.Myrzaǵaliev.
Bul sharalardyń barlyǵy keiinnen óńirdegi ákimdikpen birge iske asyrylady, dep naqtylady ol.
