Jas sportshylar halyqaralyq deńgeidegi jarysqa alǵash ret qatysyp, qarsylastaryn iri basymdyqpen jeńdi. Teńge ilýden jáne aýdaryspaqtan jarystar maýsymnyń 1-i men 2-si aralyǵynda Astanadaǵy «Qazanat» ippodromynda ótti.
Aýdaryspaqtan Aziia chempiondary Aqtóbe oblysynyń Óńirlik kommýnikatsiialar qyzmetindegi baspasóz konferentsiiasynda jarystar týraly óz oilaryn bólisti.
«Teńge ilý jarysyna Aziia kontinentiniń 7 elinen – Túrkiiadan, Reseiden, Ózbekstannan, Qyrǵyzstannan, Tájikstannan, Aýǵanystannan jáne Mońǵoliiadan sportshylar keldi. Aýdaryspaqtan III Aziia chempionatyna 9 elden sportshylar qatysty. 44 sportshyǵa jýyq boldy. Olardyń barlyǵy da salmaqty qarsylastar. Árine, tolqýlar boldy, óitkeni biz Aqtóbe oblysynan mundai deńgeidegi jarysqa birinshi ret qatystyq. Birinshi ainalymda «aýdaryspaq arystany» atanǵan Syrym Izbasarovtan basym tústim, finalda úsh dúrkin Aziia chempiony Birjan Qosalievti jeńdim. Sáttilik men jaqta boldy», - dedi Aziianyń absoliýtti chempiony, «Túie palýan» titýlynyń iegeri Arman Saǵynbaev.
Tutastai alǵanda, jarystarǵa Aqtóbe oblysynan úsh sportshy qatysyp, úsheýi de altyn medal iegerleri boldy.
22 jasar Azamat Serǵazin (60 kg) jáne 23 jasar Shyńǵys Erjanov (70 kg) aýdaryspaqtan 3-shi Aziia chempionatynyń jeńimpazdary bolyp, million teńge júlde aldy. Al jas sportshy Arman Saǵynbaev «Túie palýan» titýlyn alyp, Aziianyń absoliýtti chempiony atandy jáne 2 million teńge júlde aldy.
«Buryn Ońtústik Qazaqstan oblysynyń sportshylary tuǵyrdan jii kórinetin, Qytaida da, Túrkiiada da myqty jigitter bar. Al bizdiń komanda ulttyq sport túrlerinen halyqaralyq jarystarǵa alǵash ret qatysyp, óz daiyndyǵyn kórsetip, birden jeńiske jetti. Bul keremet nátije, bizdiń óńir tarihynda birinshi ret altyn alyp otyrmyz», - dep atap kórsetti Aqtóbe qalasyndaǵy ulttyq sport túrlerinen №3 BJSM direktory Baqdiiar Týleov.
Chempionattyń jalpy júlde qory 14 million teńge qurady.
Teńge ilýden qola medaldi Qyrǵyzstan komandasy aldy. Sol siiaqty, Qytai, Mońǵoliia, Tájikstan, Aýǵanystan, Ózbekstan jáne Qyrǵyzstan qurama komandalarynyń ókilderi aýdaryspaqtan bes sanat boiynsha óz qorjyndaryn kúmis jáne qola medaldarmen toltyrdy. Júldeli oryndar alǵan palýandar: 250 myń teńge (qola), 500 myń teńge (kúmis), 1 million teńge (altyn) aqshalai júldelermen marapattaldy.
Aqtóbe oblysynyń dene tárbiesi jáne sport basqarmasynda aqtóbelik sportshylar ózderiniń qol jetkizgen jetistikteri úshin Aqtóbe oblysy ákiminiń arnaiy stipendiiasyna ie bolady dep tolyqtyrdy.
