Aqtóbe sý qoimasynyń sýy jasyl túske boialyp, balyq qyrylyp qaldy. Ekologtar balyqtyń qyrylý sebebin anyqtady, dep habarlaidy "Ult aqparat" óńirlik baspasóz qyzmetine silteme jasap.
Aqtóbe sý qoimasynda balyq qyrylyp, sýdyń jasyl túske boialǵany týraly aqparat áleýmettik jelide jariialandy. Jeli qoldanýshylary óńirdegi ekologiialyq máselelerdi kóterip, shomylý maýsymy kezinde munyń adam densaýlyǵyna asa ziian ekenin eskertti.
Aqtóbe óńirlik kommýnikatsiialar qyzmeti tekserý júrgizgenin habarlap, sý qoimasyndaǵy balyqtardyń qyrylý sebebin jariialady. Tekserýdi oblystyq tabiǵi resýrstar jáne tabiǵatty paidalanýdy retteý basqarmasy, aýmaqtyq orman sharýashylyǵy jáne janýarlar álemi inspektsiiasynyń mamandary jáne ańshylar men balyqshylar qoǵamynyń ókilderi júrgizdi.
«Jasyl baldyrdyń gúldegeni baiqalǵan aýmaqta ortasha salmaǵy 20 gramm bolatyn 40 dana óli taýtan tabyldy. Saraptama júrgizý úshin sý men balyq synamalary ekologiia departamenti men veterinariialyq zerthanaǵa jiberildi. Aldyn-ala boljam boiynsha, baldyrlar qatty gúldep, balyqqa ottegi jetpei qalǵan. Naqty sebebi saraptama nátijesi belgili bolǵanda anyqtalady», - dedi tabiǵi resýrstar jáne tabiǵat paidalanýdy retteý basqarmasynyń basshysy Nurjan Aqqul.
