Aqtóbede koronavirýs juqtyrǵan naýqas juqpaly aýrýlar aýrýhanasynda emdelip jatyr. Jaǵdaiy turaqty dep baǵalanýda, dep habarlaidy "Ult aqparat".
Aqtóbe oblysy ákimdigi janyndaǵy jedel shtab málimetine Aqtóbe oblysynda epidemiologiialyq jaǵdai turaqty. Oblysta 161 adam statsionarlyq karantinde jatyr. Onyń ishinde 107-i Aqtóbe qalasynda, 54-i oblys aýdandarynda. Al koronavirýs infektsiiasyn juqtyrǵan naýqas infektsiialyq aýrýhanasynda em qabyldap jatyr. Jaǵdaiy turaqty, temperatýrasy jáne tynysy qalypty. Halyqaralyq poiyzdar qatynasy toqtatyldy. Oblys aýmaǵy arqyly ótetin respýblikaishilik baǵyttar qysqartyldy.
Turǵyndardyń meditsinalyq maskalarmen qamtamasyz etý 84,7% quraidy. Az qamtylǵan sanattaǵy 943 otbasyna 12,5 mln teńge kóleminde qaiyrymdylyq kómek kórsetildi. Aqtóbe qalasy men aýdandarda dezinfektsiialyq jumystar júrgizilýde.
Oblysta negizgi azyq-túlik taýarlarynyń 32 túri boiynsha jetkilikti qor quryldy. Call-ortalyqqa (906-606) turǵyndar tarapynan 1048 suraq tústi. Túsken suraqtardyń barlyǵy sala boiynsha tiisti basqarma basshylaryna jáne qala jáne aýdan ákimderine shara qoldaný úshin joldandy. Qoǵam jáne memlekettik organ ókilderinen turatyn TJ rejiminiń saqtalýyna qoǵamdyq baqylaý toptarynyń jumysy nátijesinde 59 tártip buzýshylyq faktileri anyqtalyp, kóńil kóterý oryndary men kompiýterlik klýbtardyń ieleri ákimshilik jaýapqa tartyldy.
