Siriia azamattary Aqtóbeniń Baiǵanin aýdanynan ustaldy. Olar Qazaqstanǵa itelgi aýlaýǵa kelgen, dep habarlaidy "Ult aqparat".
Aqtóbe oblysynda úsh avtokólik ishinen elý dana kógershin tabyldy. Oqiǵa 30 tamyz kúni saǵat 23:00-de tirkeldi. Baiǵanin aýdanynyń Jańajol aýyldyq okrýgi, Dońyztaý mańynda «Ohotzooprom» RMKK inspektorlary «Montera sport», «Mitsýbisi Podjera» jáne «Taiota Land Krýzer» kóliginiń jolaýshylary men júrgizýshisin aýdandyq ishki ister bólimine jetkizdi.
«Tekserý jumystary kezinde bireýi qazaqstandyq ekeni anyqtaldy. Al ózge beseýi - Siriia azamattary. Ustalǵandardyń aitýynsha, olar birneshe kún buryn Almaty qalasyna kelip, Aqtóbege baǵyt alǵan. Kógershinderdi Aral mańyndaǵy aýyl turǵyndarynan alǵan, ony azyq úshin paidalanǵan. Qazaqstanǵa itelgi mekendeitin jerdi izdeýge kelgen», - dep habarlady oblystyq politsiia departamenti baspasóz qyzmetiniń jetekshisi Erbolat Sarqulov.
Aita keteiik, itelgi Qyzyl kitapqa engen. Ony aýlaýǵa bolmaidy.
