Samara-Shymkent tasjolynda jol apaty bolyp, 4 Qyrǵyzstan azamaty kóz jumdy, dep habarlaidy "Ult aqparat".
Oqiǵa búgin saǵat 01:30-da Samara-Shymkent tasjolynyń 1170 shaqyrymynda, iaǵni, Yrǵyz aýyly mańynda boldy.
«Lada-21070» avtokóliginiń júrgizýshisi, Qyrǵyzstan Respýblikasynyń azamaty Aral qalasynan Yrǵyz aýdanyna qarai bara jatqan. Aýa-raiy qolaisyzdyǵyn eskermegen júrgizýshi joldyń taiǵaq ýchaskesinde qarsy baǵytqa shyǵyp ketip, «Shevrolet-Krýz» avtokóligimen soqtyǵysty. Jol-kólik oqiǵasy saldarynan «Lada-21070» avtokóliginiń 29 jasar júrgizýshisi 3 jolaýshymen birge oqiǵa ornynda kóz jumdy. Bári Qyrǵyzstan azamaty. Qazir bir jolaýshy Yrǵyz aýdanynyń ortalyq aýrýhanasynda jatyr. Tergeý amaldary júrgizilýde», - dedi oblystyq PD baspasóz qyzmetiniń jetekshisi Erbolat Sarqulov.
