Foto: depositphotos.com
Aqtóbedegi mektepterdiń birinde 13 jastaǵy oqýshy qaitys boldy, - dep habarlaidy Tengrinews.kz saity "Diapazon" basylymyna silteme jasap.
Basylym málimetinshe, qaiǵyly oqiǵa №27 bilim berý mekemesinde bolǵan. Jetinshi synyp oqýshysy partanyń buryshyna soǵylyp, qulap qalǵan.
"Sumdyq jaǵdai. Qyzym bul úshinshi qabatta bolǵanyn aitty. Ol synypqa júgirip kirip, tabaldyryqqa shalynyp, ústeldiń ne partanyń buryshyna tamaǵymen soǵylǵan", - deidi mektep oqýshylarynyń biriniń anasy.
Aqtóbe oblysynyń densaýlyq saqtaý basqarmasy oqiǵaǵa qatysty aqparatty rastady.
"13 jastaǵy bala mektepte qulap, ústeldiń buryshyna soǵylǵan. Klinikalyq ólim jaǵdaiynda jetkizildi. Tekserý kezinde pýlsatsiia bolmady, qan qysymy anyqtalmady, es-tússiz jatty. Iek aimaǵynda jaraqat boldy. Dereý reanimatsiia jasaldy. Saǵat 11:25-te qaitys boldy", - dedi Aqtóbe oblysy Densaýlyq saqtaý basqarmasynyń basshysy Rústem Isaev.
