Foto:diapazon.kz
12 jastaǵy jasóspirimniń ólimine qatysty Aqtóbedegi №60 mekteptiń direktory Abzal Tájimishev pikir bildirdi, - dep habarlaidy Tengrinews.kz agenttigi "Diapazon" basylymyna silteme jasap.
Direktordyń aitýynsha, 2010 jyly týǵan bala 6-synypta oqityn. Otbasynda úsh bala.
"Maǵan aqparat shamamen saǵat 23.00-de tústi. Men birden 3-shaǵynaýdanǵa keldim. Meni kirgizbedi. Ata-analar arqyly, chat arqyly balalarymyzdy izdei bastadyq. Bir bala úiinde joq eken", - dedi Abzal Tájimishev.
Ol buryn balaǵa itter shabýyl jasaǵanda barlyq instantsiiaǵa aryz jazylǵanyn atap ótti.
"Zań bar, atýǵa tyiym salynǵan eken, olardy baspanaǵa jiberý kerek. Jergilikti atqarýshy organdardyń qoly bailaýly. Depýtattar osyndai zań qabyldady, biraq qamtamasyz etý jáne oryndaý... Biz Eýropada emespiz, qarapaiym adamdarǵa jaǵdai jasai almaimyz, itterge qalai jaǵdai jasaimyz?", - dep qosty mektep direktory.
Aqtóbede 12 jasar bala óli tabyldy. Aldyn ala málimet boiynsha, balany itter talap tastaǵan.
