Aqtóbede «Garant 24 lombard», «Estate lombard», «Vygodnyi zaim» jáne «Nýr-Ali Kapital» qarjy piramidalaryna qatysty qylmystyq isti tergeý aiaqtaldy. Qazir talapkerler tergeý materialymen tanysyp jatyr, dep habarlaidy "Ult aqparat".
IIM Jedel tergeý toby «Garant 24 lombard», «Estate lombard», «Vygodnyi zaim» jáne «Nýr-Ali Kapital» JShS-niń basshylaryna qatysty qarjy piramidasyn qurý faktisi boiynsha sotqa deiingi tergep-tekserýdi aiaqtady. Qylmystyq is materialdary taraptarǵa berildi.
«Qylmystyq is boiynsha jábirlenýshi jáne azamattyq talapker bolyp tanylǵan barlyq azamat qylmystyq is materialymen tanysý úshin Aqtóbe qalasy aǵaiyndy Jubanovtar kóshesi 271A, mekenjaiy boiynsha Aqtóbe oblystyq politsiia departamentine jumys kúnderi saǵat 09:00 - 18:30 deiin kele alady. Qosymsha aqparat alý úshin 8 (7132) 936186 telefon nomeri boiynsha habarlasýǵa bolady. Bul iste jábirlenýshiler kóp. Ispen tanysý 2 aiǵa sozylýy múmkin», - dedi oblystyq politsiia departamenti baspasóz qyzmetiniń jetekshisi Erbolat Sarqulov.
Qylmystyq is boiynsha 50 kúdikti anyqtaldy. Olardyń 33-i sottyń sanktsiiasymen qamaýǵa alyndy. Al beseýi úi qamaǵynda otyr. 12 kúdikti eshqaida ketpeý týraly qolhatpen jiberildi. Budan basqa 6 kúdiktige izdeý jariialanyp, olarǵa qatysty qylmystyq is bólek tergelip jatyr. Kúdiktilerdin qylmystyq is-áreketteri Qylmystyq kodekstiń «Qarjylyq (investitsiialyq) piramidany qurý jáne oǵan basshylyq etý», «Uiymdasqan toppen zańsyz banktik qyzmetpen ainalysý», «Uiymdasqan top qurý jáne oǵan basshylyq etý, «Uiymdasqan topqa qatysý» jáne «Uiymdasqan toppen asa iri mólsherde alaiaqtyq jasaý» babymen saralanǵan.
