Aqtóbedegi internatta múgedek balalardy uryp-soqqan taǵy bir sanitarǵa sot úkimi shyqty, - dep habarlaidy Tengrinews.kz agenttigi KTK telearnasyna silteme jasap.
Telearna málimetinshe, ol naýqas balalardy uryp soqty dep aiyptalyp, tórt jarym jylǵa bas bostandyǵynan shektelgen. Buǵan deiin osy internattyń úsh sanitary da dál osyndai jaza arqalaǵan bolatyn.
Sanitar kinásin sotta birden moiyndaǵan. Naýqas búldirshinderge jábir kórsetkeni internattaǵy beinekameraǵa túsip qalǵan. Videodan naýqas balalardy judyryqtap, tósekte jatqandarynyń ústine janshyp otyryp alǵany da anyq kórinedi.
Sot protsesinde sanitar múgedek balalardy baǵý qiyn ekenin aityp keshirim suraǵan.
Áleýmettik qyzmet kórsetý ortalyǵynda búginde 42 bala tárbielenip jatyr. Barlyǵy DTsP dertine shaldyqqan nemese aqyl-esi kem bóbekter. Kóbiniń ata-anasy joq. Memleket qaraýyndaǵy bul balalarǵa kúsh kórsetilgeni týraly internatqa kórshi ornalasqan sábiler úiiniń basshysy aryzdanypty.
"Aqtóbe qalasy №2 sotymen aiyptalýshy Kýbegenovke qatysty qinaý aiyby boiynsha qylymystyq is qaraldy. Sot úkimimen sottalýshy kináli dep tanylyp, oǵan 4 jyl 6 ai merzimge bas bostandyǵyn shekteý jazasy taǵaiyndaldy", - deidi Aqtóbe oblysy sotynyń baspasóz hatshysy Ásem Ahmet.
