اقتٶبەدەگٸ ينتەرناتتا مٷگەدەك بالالاردى ۇرىپ-سوققان تاعى بٸر سانيتارعا سوت ٷكٸمٸ شىقتى, - دەپ حابارلايدى Tengrinews.kz اگەنتتٸگٸ كتك تەلەارناسىنا سٸلتەمە جاساپ.
تەلەارنا مەلٸمەتٸنشە, ول ناۋقاس بالالاردى ۇرىپ سوقتى دەپ ايىپتالىپ, تٶرت جارىم جىلعا باس بوستاندىعىنان شەكتەلگەن. بۇعان دەيٸن وسى ينتەرناتتىڭ ٷش سانيتارى دا دەل وسىنداي جازا ارقالاعان بولاتىن.
سانيتار كٸنەسٸن سوتتا بٸردەن مويىنداعان. ناۋقاس بٷلدٸرشٸندەرگە جەبٸر كٶرسەتكەنٸ ينتەرناتتاعى بەينەكامەراعا تٷسٸپ قالعان. ۆيدەودان ناۋقاس بالالاردى جۇدىرىقتاپ, تٶسەكتە جاتقاندارىنىڭ ٷستٸنە جانشىپ وتىرىپ العانى دا انىق كٶرٸنەدٸ.
سوت پروتسەسٸندە سانيتار مٷگەدەك بالالاردى باعۋ قيىن ەكەنٸن ايتىپ كەشٸرٸم سۇراعان.
ەلەۋمەتتٸك قىزمەت كٶرسەتۋ ورتالىعىندا بٷگٸندە 42 بالا تەربيەلەنٸپ جاتىر. بارلىعى دتسپ دەرتٸنە شالدىققان نەمەسە اقىل-ەسٸ كەم بٶبەكتەر. كٶبٸنٸڭ اتا-اناسى جوق. مەملەكەت قاراۋىنداعى بۇل بالالارعا كٷش كٶرسەتٸلگەنٸ تۋرالى ينتەرناتقا كٶرشٸ ورنالاسقان سەبيلەر ٷيٸنٸڭ باسشىسى ارىزدانىپتى.
"اقتٶبە قالاسى №2 سوتىمەن ايىپتالۋشى كۋبەگەنوۆكە قاتىستى قيناۋ ايىبى بويىنشا قىلىمىستىق ٸس قارالدى. سوت ٷكٸمٸمەن سوتتالۋشى كٸنەلٸ دەپ تانىلىپ, وعان 4 جىل 6 اي مەرزٸمگە باس بوستاندىعىن شەكتەۋ جازاسى تاعايىندالدى", - دەيدٸ اقتٶبە وبلىسى سوتىنىڭ باسپاسٶز حاتشىسى ەسەم احمەت.
