Aqtóbede avtobýs aýdarylyp, oqýshylar aýrýhanada em alyp jatyr. Oblys ákimi Ońdasyn Orazalin zardap shekkenderdiń jaǵdaiyn bildi, dep habarlaidy "Ult aqparat" oblys ákiminiń baspasóz qyzmetine silteme jasap.
Aqtóbe qalasyndaǵy №9 mektep-gimnaziiasynyń 5 synyp oqýshylary men ata-analary mingen avtobýs aýdarylyp qaldy. Balalardyń bári din aman.
«Aqtóbe oblysynyń ákimi Ońdasyn Orazalin tótenshe oqiǵa boiynsha jaýapty sala basshylarymen shuǵyl keńes ótkizip, oblystyq balalar aýrýhanasyna bardy. Sol jerde apatqa ushyraǵan barlyq oqýshylardyń jáne ata-analardyń hal-jaǵdaiymen tanysty.
Aita keteiik, bul tótenshe oqiǵa Memleket basshysy Qasym-Jomart Toqaevtyń tikelei tapsyrmasymen baqylaýǵa alyndy. Aimaq basshysy oblystyq balalar aýrýhanasynyń bas dárigerine barlyq oqýshylardyń densaýlyqtaryn tolyqtai tekserip, qadaǵalaýy qajet dep tapsyrma berdi», - dep habarlady oblys ákiminiń baspasóz qyzmeti.
Eske salsaq, Aqtóbe qalasynan 13 km jerde ornalasqan Soltústik ainalma jolynda jol-kólik oqiǵasy tirkeldi. Avtobýs júrgizýshisi jol erejesin buzyp, apatqa ushyraǵan.
Óńir basshysy oblystyq bilim basqarmasy men qalalyq bilim bólimine oblystyq politsiia departamentimen birlesip, demalys kúnderi tabiǵat aiasyna saparǵa shyǵatyn ata-analarǵa túsindirý jumystaryn júrgizýdi tapsyrdy.
