Aqtóbedegi "Vostok neft i servisnoe obslýjivanie"kompaniiasy jalaqynyń azdyǵyna narazy bolyp, kenishtegi jumysty toqtatyp tastaǵan qazaqstandyqtarmen mámilege keldi. Bul týraly 16 qazanda Azattyqqa Qytai kompaniiasynda burǵylaýshynyń kómekshisi bolyp jumys isteitin Jasulan Qanbaliev habarlady.
Jasulan Qanbalievtiń sózinshe, burǵylaýshy kómekshileriniń jalaqysy narazylyq aktsiialarynan keiin 50 paiyzǵa kóbeigen.
- Buryn qolyma 120 myń teńge (308 dollar) alyp júrdim. Kei kezde ai 28-30 kúnnen bitken kezde jalaqym tipti azaiyp qalatyn. Qazan aiynan bastap jalaqyma 50 paiyz qosylatyn bolsa, qolyma ai saiyn 200 myń teńge (514 dollar) tiiýi kerek. Árine, qymbatshylyq qyspaqqa alyp turǵan kezde 200 myń teńge de asa kóp aqsha emes. Degenmen buǵan da shúkir, - deidi Jasulan Qanbaliev.
Jumysshylar narazylyǵynan keiin Qytai kompaniiasynyń jalaqyny kóbeitkenin Aqtóbe oblysynyń ákimdigi de rastady. Aqtóbe oblysy ákiminiń orynbasary Qairat Bekenovtiń aitýynsha, "Vostok neft i servisnoe obslýjivanie" kompaniiasynda burǵylaýshynyń kómekshisi bolyp eńbek etetin qazaqstandyqtar jyldar boiy eń aýyr jumysty istep, eń az jalaqy alyp kelgen.
- Eki aiǵa sozylǵan jumysshylar narazylyǵy oblys ákimdigin mediator retinde áreket etýge májbúrledi. Negizi bul ákimdik aralasatyn sharýa emes edi. Jalaqy kompaniianyń ishki rezervi esebinen kóteriletin boldy. Biraq barlyq jumysshynyń jalaqysy 50 paiyzǵa ósken joq. Dárejesine bailanysty 316 adamnyń jalaqysy 50 paiyzǵa kóbeidi, - deidi Qairat Bekenov.
Jumysshylar 11 qazanda kompaniiaǵa kelip, jalaqy ósirýdi taǵy da talap etken edi. Eki aiǵa sozylǵan jalaqy daýy Aqtóbedegi kompaniiaǵa Pekinnen arnaiy delegatsiia kelgennen keiin ǵana sheshilgen. Qairat Bekenov Pekinnen kelgen delegatsiiamen uzaq ári kúrdeli kelissóz júrgizilgenin aitady.
"Vostok neft i servisnoe obslýjivanie" seriktestiginiń bas direktory Chjan Baotsziýn burǵylaýshy brigadalardaǵy jumysshylardyń jalaqysy injenerlik-tehnikalyq quramǵa qaraǵanda az bolǵanyn rastap otyr. Chjan Baotszian "jumysshylar talaby oryndy" dep sanaidy.
- Burǵylaýshylardyń kómekshileri men dánekerleýshilerdiń jalaqysy qazan aiynan bastap 50 paiyzǵa ósti. Sol siiaqty laborant-kollektorlardyń jalaqysyna 40 paiyzǵa, burǵylaýshy qondyrǵynyń mashinisiniń ailyǵy 30 paiyz, burǵylaýshylardyń eńbekaqysyna 25 paiyz qosyldy. Jańajol, Keńqiiaq pen Severnaia trýva kenishterindegi barlyq burǵylaýshy brigadalar qaita jumysqa kiristi, -dedi Chjan Baotszian.
Aqtóbedegi "Vostok neft i servisnoe obslýjivanie" kompaniiasynyń jumysshylary eki aidan beri jalaqy ósirýdi talap etip júrgen. Kompaniia narazylyqtan keiin jalaqyny 20 paiyzǵa ósiretinderin málimdegen. Biraq jumysshylar bul sheshimmen kelispei, 50 paiyzǵa ósirýdi talap qylǵan.
Aqtóbe oblysy ákimdiginiń dereginshe, "Vostok neft i servisnoe obslýjivanie" - 100 paiyz aktsiiasy Qytaidyń Xibu (Sibý) korporatsiiasyna tiesili kompaniia. "SNPS-Aqtóbemunaigaz" kompaniiasynyń tapsyrysymen Aqtóbe oblysyndaǵy munai kenishterin burǵylaityn jumys isteidi. Ákimdiktiń málimetinshe, kompaniiadaǵy 1200 adamnyń on paiyzy - Qytaidan kelgen maman.
Jalaqynyń azdyǵyna shaǵynyp, narazylyq bildirýshiler arasynda Qytai jumysshylary joq.
