Aqtóbede júk kóligi men eki avtobýs soqtyǵysty. Jaralanǵan jolaýshylardy dárigerler qarady, dep habarlaidy QazAqparat.
Búgin Aqtóbe qalasynda jol-kólik apaty bolyp, júk kóligi men №21 jáne №45 baǵyttaǵy avtobýstar soqtyǵysty.
«Samara-Shymkent tasjolynda «Hovo« markaly júk kóligi jyldamdyqty báseńdetpei, №21 baǵyttaǵy avtobýsqa soqtyǵysty. Sol kezde avtobýsta 45 jolaýshy bolǵan. №21 baǵyttaǵy avtobýs qozǵalyp, ol №45 baǵyttaǵy avtobýsqa soqtyqty. Onda 33 jolaýshy bolǵan. Jol-kólik apatynan keiin jeti jolaýshy túrli dene jaraqatymen jedel járdem aýrýhanasyna tústi», - dedi oblystyq PD baspasóz qyzmetiniń jetekshisi Erbolat Sarqulov.
Buǵan deiin habarlaǵanymyzdai, Aqtóbedegi Hromtaý-Aqqudyq tasjolynda jol-kólik oqiǵasy bolyp, eki adam kóz jumdy. Aldyn ala boljam boiynsha, Nissan Teana avtokóliginiń 24 jastaǵy júrgizýshisi Aqqudyq aýyly mańynda qarsy jolaqqa shyǵyp ketip, Hromtaý aýdanynyń 44 jastaǵy turǵynynyń basqarýyndaǵy «Vaz-2115» avtokóligimen soqtyǵysqan. Jol-kólik oqiǵasy saldarynan «VAZ-2115» avtokóliginiń júrgizýshisi men jolaýshysy oqiǵa ornynda qaza tapty. Odan bólek, Nissan Teana avtokóliginiń júrgizýshisi men «VAZ-2115» avtokóliginiń úsh jolaýshysy Hromtaý qalasyndaǵy aýrýhanaǵa jatqyzyldy.
