اقتٶبەدە جٷك كٶلٸگٸ مەن ەكٸ اۆتوبۋس سوقتىعىستى. جارالانعان جولاۋشىلاردى دەرٸگەرلەر قارادى, دەپ حابارلايدى قازاقپارات.
بٷگٸن اقتٶبە قالاسىندا جول-كٶلٸك اپاتى بولىپ, جٷك كٶلٸگٸ مەن №21 جەنە №45 باعىتتاعى اۆتوبۋستار سوقتىعىستى.
«سامارا-شىمكەنت تاسجولىندا «حوۆو« ماركالى جٷك كٶلٸگٸ جىلدامدىقتى بەسەڭدەتپەي, №21 باعىتتاعى اۆتوبۋسقا سوقتىعىستى. سول كەزدە اۆتوبۋستا 45 جولاۋشى بولعان. №21 باعىتتاعى اۆتوبۋس قوزعالىپ, ول №45 باعىتتاعى اۆتوبۋسقا سوقتىقتى. وندا 33 جولاۋشى بولعان. جول-كٶلٸك اپاتىنان كەيٸن جەتٸ جولاۋشى تٷرلٸ دەنە جاراقاتىمەن جەدەل جەردەم اۋرۋحاناسىنا تٷستٸ», - دەدٸ وبلىستىق پد باسپاسٶز قىزمەتٸنٸڭ جەتەكشٸسٸ ەربولات سارقۇلوۆ.
بۇعان دەيٸن حابارلاعانىمىزداي, اقتٶبەدەگٸ حرومتاۋ-اققۇدىق تاسجولىندا جول-كٶلٸك وقيعاسى بولىپ, ەكٸ ادام كٶز جۇمدى. الدىن الا بولجام بويىنشا, Nissan Teana اۆتوكٶلٸگٸنٸڭ 24 جاستاعى جٷرگٸزۋشٸسٸ اققۇدىق اۋىلى ماڭىندا قارسى جولاققا شىعىپ كەتٸپ, حرومتاۋ اۋدانىنىڭ 44 جاستاعى تۇرعىنىنىڭ باسقارۋىنداعى «ۆاز-2115» اۆتوكٶلٸگٸمەن سوقتىعىسقان. جول-كٶلٸك وقيعاسى سالدارىنان «ۆاز-2115» اۆتوكٶلٸگٸنٸڭ جٷرگٸزۋشٸسٸ مەن جولاۋشىسى وقيعا ورنىندا قازا تاپتى. ودان بٶلەك, Nissan Teana اۆتوكٶلٸگٸنٸڭ جٷرگٸزۋشٸسٸ مەن «ۆاز-2115» اۆتوكٶلٸگٸنٸڭ ٷش جولاۋشىسى حرومتاۋ قالاسىنداعى اۋرۋحاناعا جاتقىزىلدى.
