Aqtóbe oblysynda Qyrǵyzstan azamatynyń qatysýymen bolǵan jol apatynan alty adam qaza tapty, - dep habarlaidy Tengrinews.kz agenttigi "Diapazon" basylymyna silteme jasap.
Basylym málimetinshe, jol apaty 30 shilde saǵat 23:30-da Samara-Shymkent tasjolynda bolǵan. Bul - Yrǵyz aýdany Qalybai aýylynyń mańy. Honda Fit markaly avtokóliginiń 32 jastaǵy júrgizýshisi qarsy betke shyǵyp ketken. Rýlde Qyrǵyzstan Respýblikasynyń azamaty otyrǵan. Saldarynan Yrǵyz aýdanynyń 33 jastaǵy turǵyny basqaryp kele jatqan Lada Largus markaly avtokóligimen soqtyǵysqan.
"Jol apaty saldarynan Lada Largus avtokóliginiń júrgizýshisi men 4 jolaýshy oqiǵa ornynda kóz jumdy. Sonymen qatar, Honda Fit avtokóliginiń jolaýshysy mert boldy. Honda Fit avtokóliginiń júrgizýshisi 30 jastaǵy jolaýshymen birge túrli jaraqatpen Yrǵyz aýdandyq aýrýhanasyna jatqyzyldy", - delingen habarlamada.
