Aqtóbe oblysy Muǵaljar aýdanyna qarasty Saǵashili aýylynyń tusynda jol apaty oryn alyp, 8 adam kóz jumdy, dep habarlady "Ult aqparat" inbusiness.kz portalyna silteme jasap.
Búgin tańǵy segiz jarym shamasynda Toyota Hilux jáne LADA Largus avtokólikteri soqtyǵysqan. LADA Largus kóligi janyp ketken.
Aqtóbe ákimdigi jol apatynan 8 adamnyń qaza tapqanyn rastady. Onyń tórteýi – bala.
Qaza tapqandardyń bári LADA Largus markaly kóliginde bolǵan. Janyp ketken múrdelerdi saraptamasyz anyqtaý múmkin emes.
Apatqa ushyraǵan LADA Largus kóligin Temir aýdanyndaǵy Keńqiiaq aýylynyń turǵyny júrgizgen. Qaza bolǵan segiz adamnyń biri – LADA Largus kóliginiń júrgizýshisi.
Ol – Aqtóbe men Keńqiiaqtyń arasyna eki myń teńgeden aqy alatyn qanaǵatshyl taksistiń biri edi, deidi Temir aýdany Sarkól aýylynyń ákimi Mádi Súiinshalin.
Jol apatynan keiin órtenip ketken kólikte Keńqiiaqpen irgeles Sarkól aýylynyń bes turǵyny bolǵan. Sarkóldik er adam 12 jastaǵy ulymen birge, al egde áiel tórtinshi jáne altynshy synypta oqityn eki nemeresimen birge qaza tapty.
Sarkóldiń turǵyny jien qyzdaryn Aqtóbege dárigerge kórsetýge alyp bara jatqan. Er adam jolǵa 12 jasar ulyn alyp, jeke sharýasymen shyqqan, deidi Temir aýdany Sarkól aýylynyń ákimi Mádi Súiinshalin.
