Jyl basynan beri jat aǵym jeteginde júrgender 57 qylmys pen 400-ge jýyq ákimshilik quqyqbuzýshylyq jasaǵan. Bul týraly oblystyq politsiia departamenti málimdedi, dep habarlaidy "Ult aqparat".
«Qylmystyq isterdiń 13-i dini, 30-y kóshi-qon, 11-i salyq salasyna qatysty quqyqbuzýshylyq kezinde tirkeldi. Máselen, qala turǵynyn tintý kezinde 10 dini kitap tabyldy. Ákimshilik quqyqbuzýshylyq kodekstiń 453 baby 4 bólimi boiynsha oǵan 252 myń teńge aiyppul salyndy. Jat aǵym jeteginde júrgender dindi jamylyp, qylmys jasaidy, urlyqqa, adam óltirýge barady. Qaraqshylyq shabýyl jasaǵandary da bar. Máselen, qala turǵyny ashyq túrde telefon urlap aldy. Jedel izdestirý kezinde 23 jastaǵy destýktivti aǵymda júrgen kúdikti ustaldy. Qazirgi kezde osy oqiǵa boiynsha sottalýshy óz jazasyn aldy», - dep habarlady oblystyq PD baspasóz qyzmeti.
Aqtóbe politsiiasy 21 jastaǵy jigitti atyp, mert qylǵan qala turǵyny da jat aǵymda júrgen kúdikti dep esepteidi.
«Taǵy bir derek boiynsha 31 jastaǵy kúdikti qazan aiynda qala túrǵynynan 340 myń teńge urlap ketken. Kúdikti dereý ustaldy. Qazir osy oqiǵa boiynsha Qylmystyq kodekstiń «Urlyq» babymen is qozǵalyp, tergeý júrip jatyr. Ol da destrýktivti aǵymda júrgen», - dedi oblystyq PD baspasóz qyzmeti.
