جىل باسىنان بەرٸ جات اعىم جەتەگٸندە جٷرگەندەر 57 قىلمىس پەن 400-گە جۋىق ەكٸمشٸلٸك قۇقىقبۇزۋشىلىق جاساعان. بۇل تۋرالى وبلىستىق پوليتسييا دەپارتامەنتٸ مەلٸمدەدٸ, دەپ حابارلايدى "ۇلت اقپارات".
«قىلمىستىق ٸستەردٸڭ 13-ٸ دٸني, 30-ى كٶشٸ-قون, 11-ٸ سالىق سالاسىنا قاتىستى قۇقىقبۇزۋشىلىق كەزٸندە تٸركەلدٸ. مەسەلەن, قالا تۇرعىنىن تٸنتۋ كەزٸندە 10 دٸني كٸتاپ تابىلدى. ەكٸمشٸلٸك قۇقىقبۇزۋشىلىق كودەكستٸڭ 453 بابى 4 بٶلٸمٸ بويىنشا وعان 252 مىڭ تەڭگە ايىپپۇل سالىندى. جات اعىم جەتەگٸندە جٷرگەندەر دٸندٸ جامىلىپ, قىلمىس جاسايدى, ۇرلىققا, ادام ٶلتٸرۋگە بارادى. قاراقشىلىق شابۋىل جاساعاندارى دا بار. مەسەلەن, قالا تۇرعىنى اشىق تٷردە تەلەفون ۇرلاپ الدى. جەدەل ٸزدەستٸرۋ كەزٸندە 23 جاستاعى دەستۋكتيۆتٸ اعىمدا جٷرگەن كٷدٸكتٸ ۇستالدى. قازٸرگٸ كەزدە وسى وقيعا بويىنشا سوتتالۋشى ٶز جازاسىن الدى», - دەپ حابارلادى وبلىستىق پد باسپاسٶز قىزمەتٸ.
اقتٶبە پوليتسيياسى 21 جاستاعى جٸگٸتتٸ اتىپ, مەرت قىلعان قالا تۇرعىنى دا جات اعىمدا جٷرگەن كٷدٸكتٸ دەپ ەسەپتەيدٸ.
«تاعى بٸر دەرەك بويىنشا 31 جاستاعى كٷدٸكتٸ قازان ايىندا قالا تٷرعىنىنان 340 مىڭ تەڭگە ۇرلاپ كەتكەن. كٷدٸكتٸ دەرەۋ ۇستالدى. قازٸر وسى وقيعا بويىنشا قىلمىستىق كودەكستٸڭ «ۇرلىق» بابىمەن ٸس قوزعالىپ, تەرگەۋ جٷرٸپ جاتىر. ول دا دەسترۋكتيۆتٸ اعىمدا جٷرگەن», - دەدٸ وبلىستىق پد باسپاسٶز قىزمەتٸ.
